SANAUL: SA NA-ABAGA UG NA-LIOG

SANAUL: Sa Na-abag ug Na-liog

ng Writear's Sheet

     This is Writear's Sheet's zine entry for SOX Zine Fest 2022. Presented on a program held face-to-face at Veranza Activity Center, Veranza Mall, General Santos City. The event is participated by some of the authors, writers and publication creators and Writear's Sheet is one of them having me as their editor and also a contributor to the zine. This is the second publication the the WS produced for SOX Zine Fest.

The Poster created by Valoræx

Front cover of the zine

Back cover of the zine

November 30, 2022 | SANAUL: Sa Na-abaga Ug Na-liog | Editor/Contributor | Bannie Bandibas

ITUTULOG NA LANG

Itutulog na Lang
Zine ni Bannie Bandibas

    This is my first personal/solo zine published by an Indie publisher, 8Letters Publishing. Hindi ko naintindihan no'ng una kung ano ang sinalihan kong call for submission, ang akala ko ay gaya lang rin ng dati na magpapasa ng ilang piyesa at pagpipilian ng editor at saka pag-iisahain sa isang publikasyon. Nagulat na lang ako sa ipinadalang mensahe sa aking gmail account na napili nila ang buo kong suite ng mga tula upang ilathala bilang isang zine. Hindi pa rin narehistro sa utak ko kung ano ang magiging produkto hanggang sa nagpadla silang muli ng mensahe na may kalakip na kontrata, tama ang aking pagkaka-intindi, may sariling zine na ako. Labis ang aking kagalakan at pasasalamat sa lahat ng sumuporta at sumusuporta sa akin. Unang hakbang pa lamang ito, magpapatuloy lalo na't rehistrado na tayo sa National Book Development Board bilang awtor/manunulat.

Kober ng Zine

    Mga QR code at link kung saan maaaring makabili ng kopya:

8 Letters Books: https://bit.ly/ittlgNLng8lb

Shopee: https://bit.ly/ittlgNLngShp

Author's Facebook Page

   

    Mga poster na gawa ng awtor:

    Mga piling linya sa mga tulang nakapaloob sa zine:

Itutulog na Lang | November 27, 2022 | 8Letters Publishing | Call for Zine Submission | Bannie Bandibas

ANG UNIBERSO NG PAGKASUPIL NINA CALLA, LUNA At SOL

Ang Uniberso Ng Pagkasupil Nina Calla, Luna At Sol
Mga Tula ni Bannie Bandibas

Saksi Ang Buwan Sa Pagkalupig Ng Iniibig

Nang ang minamahal ay nagsimulang mabighani
at tumingala sa mga hinahangaang inaasam at pinili—
labis na pag-ibig ang naramdaman at namutawi
sa nakangiting mukha ng kanyang tinatangi.

Umapaw ang ilog ng mga pangakong di nababali,
sigurado’t suot na ang singsing—nagmadaling magpatali
ngunit sa isang iglap ay binawi ang mga nasambit sa pari
at biglang nadumihan ang malinaw na pagbabakasakali.

Walang tumpak at sigurado, wala nang malinis na lutuang kawali
para sa mga sangkap ng sumpaan kaya’t hindi na nanatili
sa altar na nilumot na—nakaaawang nilawayang mga labi,
nasupil sa labanan ng pusong tapat at budhing mapagkunwari.


Si Haring Araw At Ang Dulo Ng Kaniyang Pagsikat

Alam niya ang kung sino at ano siya,
kilala niya rin ang bawat isang humihinga
at nabubuhay sa dagat man o sa lupa
ngunit hindi lahat ay naniniwala.

Nakalilimutan sa pagsapit ng dilim,
sa umaga nama’y hindi napapansin
ngunit sa tuwing sasapit ang pagkulimlim
ay laman siya ng mga panalangin.

Alam nila ang natatangi niyang halaga
subalit sa pagtitig ay nasisilaw ang mga mata
kaya pinipili nitong pumikit at ibaling ang tingin sa iba—
sa makamundo at panandaliang saya.

Kahit na hindi man siya lubusang ibigin
pabalik ay magpapatuloy ito sa paghain
ng liwanag niya sa mundong gutom pa rin
kahit na puno na sa mga laman na kinain…

Hanggang sa huli niyang pagkislap
at tuluyang mabalot ang alaapaap ng mga ulap,
ni minsan ay hindi siya kumurap.


Kalawakang Handa Sa Pagkatalo Ng Uniberso

Gaya ng dugong dumadaloy sa isang katawan,
naglalakbay rin ang buhay ng kalawakan
na kahit sa kadulu-duluhan at kasuluk-sulukan
ay kaniyang nabibisita at napupuntahan
upang mag-alay ng pag-asa sa mga pinagkaitan
kahit alam niya na titigil rin naman ang kamay ng orasan
sa pag-ikot at hihinto ang lahat ng sasakyan
na naglalakbay sa espasyong balot ng kadiliman.

Nakasulat na ang magaganap at nakaulat ang mangyayari
sa pahayagang hindi naman sigurado kung sino ang naglathala
ngunit alam ng puso kung saan iaalay ang pananampalataya,
kung saang biyahe lalarga at saang eroplano o barko mananatili.

Ang buhay ang magiging piloto mula sa pagkagunaw ng mundo
at siya na ang bahala kung saang kalawakan tutungo
ngunit kapag ang buhay ay di na nasaksihan sa dulo—
kailangang tanggapin ng mga pasahero ang pagkatalo…

Kahit matagal na itong handa at pinaghahandaan,
wala pa ring kasiguraduhan
dahil di natin labis na kilala ang kung ano man
ang tunay na katauhan ng kalawakan.


Ito ay lahok sa Saranggola Blog Awards 12

Logo of Saranggola Blog Awards

Logo of Cultural Center of the Philippines

Logo of DMCI Homes

LINKS:
www.saranggola.org
http://culturalcenter.gov.ph
http://dmcicorpsales.com

Ito ay lahok sa Saranggola Blog Awards 12