Isang collab na isinagawa sa pamamagitan ng isang paligsahan sa pagsulat ng tula na may temang "Time Mahine: Saan mo ako dadalhin?" Nag-kontribyut ako ng dalawang tula na may tatlong taludtod at apat na linya sa bawat taludtod at dudugtungan ng mga partisipante.
 |
| *Certificate of Recognition* |
#4N
“Pinagtagpo Ngunit Hindi Itinadhana”
[ni Mark Escala]
Ang kahapon ko ay tila,
Isang Dahon na kailangan nang mahulog.
Di na kayang kumapit sa sanga --
’Pagkat pag-ibig ng bawat isa’y natulog.
Nang mahulog ang dahon sa lupa,
Naapakan, napunit at nadurog.
Nagnanais na muling makabalik siya -
Ngunit di kayang mag-akyat-manaog.
Kahit liparin ng hangin papunta sa sanga --
Pinipigilan lang ng kidlat at kulog.
Luluha nalang at kakalimutan na,
Kasabay ng ulan -- maglalaho ang pag-ibig na nasunog.
#4H
Ni:Rubelyn E. Verterra
Ang bukas ko’y pilit iniiwasan,
sapagka’t ayaw ko nang masaktan pa.
Yung tayo’y magkaka-ibigan --
ngunit iiwan mo rin naman pala.
Puso ko’y patuloy pang naghihilom,
mula sa sugat na dulot niya.
Ngunit, "bakit?" aking tanong --
bakit tila iba ka?
Ikaw ba ang may-ari ng pusong
magbibigay sa akin ng pag-asa?
Pag-asang muli akong sumilong,
sa pag-ibig na sana’y sa hinaharap ay di na lilisan pa.
Pinagtagpo Ngunit Hindi Itinadhana & Hinaharap-hanap | December 30, 2017 | Spoken Word Poetry University | Time Machine: Saan mo ako dadalhin? Dugtungan Tula | Participant | Mark Escala & Rubelyn Verterra | Bannie Bandibas
No comments:
Post a Comment