Entry #17
Dilim Sa Likod Ng Katha
Tema: "Tula ng Aking Tunay na Buhay"
Genre: Gore
Nakatitig lamang sa aking salamin,
Kasabay ng pag-ihip ng hangin
Ay ang pagtangay ng damdamin
Sa mga hinuha ko't dalangin.
Nagkalat ang mga salitang ibinuhos,
Mapula gaya ng dugong umaagos
Mula sa pulsong nakatali't nakagapos
Sa nakaraan, patuloy na nakikipagtuos.
Biglang nabasag ang bungo't tumagas
Ang mga ideyang pilit kumakalas,
Di pa rin kayang tumakas
Kaya't di maabot-abot ang wakas.
Napunit ang balat, nagbigay aliw,
Mga letra't sukat—noo'y inagiw
Ay naging musikang di nagmamaliw
Ngunit nanatili akong makatang baliw.
Kaya kung minsan kayong namangha
Sa aking mga istorya't tula,
Subukan munang siyasatin ng mata,
Kadiliman sa bawat kong pagkatha.
 |
| *Certificate of Participation* |
No comments:
Post a Comment