KAMAG-ARAL

Kamag-aral

ni Bannie Bandibas

Unang pagtapak ng mga paa
Sa silid, napuno ng pangamba.
Mabuting kamag-aral, paano nga ba?
Paano ako makikisalamuha?

Naging nagulo ang aking isip,
Tiwala sa sarili'y inihip
Ng hangin, ako'y natahimik—
Natakot at nanatiling di umiimik.

Inilayo ang sarili sa iba,
Palagi namang nababalewala
Ngunit biglang namulat ang mga mata
Dahil hindi pala ako nag-iisa.

Nakilala ko kayo, naging kaibigan ko.
Kayo ay nanatili sa tabi ko, dito.
Sinamahan at naging motibasyong buo.
Di na muling malulungkot ang puso.

Ngunit iyon ang aking akala,
Akala ko'y di na magigiba.
Dumating na ang itinakda,
Ang araw na lahat tayo'y kakawala.

Pagpatak ng luha'y pinipilit
Na pigilan ngunit masakit,
Pagka't sugat sa puso'y sumisilip.
Hinihiling, ito sana'y isang panaginip.

Sa huling araw na magkasama,
Nagbigay kayo ng paalala.
"Maging palakaibigan ka,"
Ang papel ko sa buhay na dala-dala.

Kaya di na muling magkukubli,
Magtitiwala na nang buo sa sarili.
Maglalakbay sa magkaibang daang pinili
Ngunit sa puso, kayo'y mananatili.

#WITEntry
#EndOfSchool

Kamag-aral | March 21, 2019 | Writing in Tandem | Bannie Bandibas

TINTA'Y IBUHOS MO

#KAMPIAktibidad
#KAMPITulangLiriko

Tinta'y Ibuhos Mo

ni Bannie Bandibas

Verse:
Pansinin ang paligid,
Nawawalan ng kulay
Sayo'y nakapalibot
Ay hindi na tunay.

Ref:
Iyong balikan
Ang alam mong daan,
Umuwing sabik sa tahanan.
Ayusin ang buhol
At pakalmahin ang alon.

Cho:
Ang 'yong katha,
Ang mga tula
Na sa mundo'y nagpapasigla.
Isulat ang sa puso mo,
Saya man o pagkabigo—
Tinta'y ibuhos mo.

Verse:
Puno man ng problema,
Ito'y nagpapagaan
Sa iyong nadarama
At magulong isipan.

Ref:
Halina't ibuhos,
Hayaang umagos,
Kamay mo ma'y magkagalos.
Sa 'yong pagsulat
Marami ang mamumulat.

Ang 'yong katha,
Ang mga tula
Na sa mundo'y nagpapasigla.
Isulat ang sa puso mo,
Saya man o pagkabigo—
Tinta'y ibuhos mo.

Bridge:
Paulit-ulit, nadapa
Ngunit bumangon,
Tumayo
At di nagpalupig,
Binuksan ang pintong sarado.

Ang 'yong katha,
Ang mga tula
Na sa mundo'y nagpapasigla.
Isulat ang sa puso mo,
Saya man o pagkabigo—
Tinta'y ibuhos mo.

Hango sa tono ng "This I Promise You" ng bandang "Nsync"

Tinta’y Ibuhos Mo | March 6, 2019 | KAMPI: PAMAYANAN | Bannie Bandibas

TULAY

#Daglipunan

#MahalKongBayan

#APIS

Entry number: 5

Tulay

"Mare, naniniwala ka doon sa isang haka-haka na nilalagyan raw ng dugo ng mga batang pinapatay ang bawat tulay na ginagawa dito sa Pilipinas upang maging matibay?" Bungad ni aling Piling sa kumare niyang si Sinang.

"Hindi ako naniniwala diyan, Mare. Hindi naman ganoon karahas ang gobyerno para gumawa ng karumaldumal na krimen." Tugon ni Sinang.

"Oo nga naman, pero naisip mo bang baka totoo 'yon?" Tanong ni Piling.

"Paano naman magiging totoo 'yon?" Pagtataka ni aling Sinang.

"Nabalitan mo ba iyong kapitbahay nating sila Basya at Lolong? 'Yong nangyari sa anak nila. Namatay raw kasi ilang araw nang hindi napapakain, napapainom ng gatas at naalagaan." Tsismis ni Piling.

"Oo nga. Eh, inuuna nila ang mga bisyo nila kaysa bumili ng gatas para sa anak eh. Ang mahal na kaya ng alak ay sigarilyo ngayon dahil sa tax tapos magdamagan pa silang nagpapakasasa sa bisyo." Sambit ni Silang.

"Di ba 'yong perang nakukuha sa tax, ginagamit ng gobyerno sa pagpapagawa ng istraktura sa bansa. Parang ganoon na rin 'yon di ba? Namamatay ang mga bata dahil pagmahal ng mga bilihin ay wala nang maipangkain." Pangungumbinsi ni Piling.

Napatango si Silang. "Oo nga, Mare. Pero nalilito ako, sino nga ba ang dapat sisihin? Ang gobyerno o tayo?" Sila'y nag-katinginan, natameme at nagpatoy na sa paglalaba sa ilalim ng tulay.

*Certificate of Participation*

Tulay | March 5, 2019 | Aurum PlumInk Society | Daglipunan: Mahal Kong Bayan | Partisipante | Bannie Bandibas

SWPU SUDDEN BLUE 2019

| Kuneho—Editor, Logo Artist, Certificate Artist, Judge, Organizer

Spoken Word Poetry University

Administration Logo 2019

Poem Writing Contest

Sudden Blue

2019