Bukas Utak
Bakit may mga gulo?
Bakit may pagtatalo?
Bakit may nabibigo?
Bakit may basag na puso?
Kasi di natin naririnig
Ang mga dapat marinig.
Hindi na nakikita
Ang kahit nasa harapan mo na.
Tinatanggap lang natin
Yong mga nais at hiling,
Yong iniisip na nakabubuti
At mga dahilang pansarili.
Sambit ng lahat,
"Ito ang tama, ito ang dapat."
Himutok ng iba,
"Ito ang mas maganda."
Di naman mali ang maging matigas
Sa ipinaglalabang batas.
Di naman mali ang pumuna
Kung may pagkakamali sila.
Panghawakan mo ang alam mong tama
Ngunit subukang pakinggan ang iba.
Oo, tama ka, yan ang pinaniniwalaan
Ngunit opinion ng iba'y wag namang apakan.
Maaring mali ka o tama naman talaga
Ngunit maaring rin namang tama sila.
Subukang makinig sa kanilang daing
Pagkat ika'y pinakikinggan rin.
"Life is unfair", sabi nila
Ngunit tayo naman talaga ang gumagawa
Ng paraan upang di maging patas ang mundo.
"God created the world perfect", totoo,
Pero because of human free will naging kumplikado.
Matutong umunawa, matutong makinig,
Buksan ang sariling utak kahit ang sa iba'y makitid.
#BukasAngUtakNgIsang #Manunula(t)
 |
| LITRATO GAWA SA HOTPOT.AI |
No comments:
Post a Comment