COMPASSION

COMPASSion

by Bannie Bandibas

Creatures,
Different people with different griefs,
Different hearts with different beats
And different races with different beliefs—
Contradictions are built from bits.

We are walking in dissimilar directions,
Travelling and sometimes crosses paths—
But because of the eagerness to complete missions,
We, as furious ones, chooses to smash the bats.

Trying to compete without even realizing
That they are not bumped for the battles—
They've just met to help each other's game,
Have compassion to offer a ride in their shuttles.

Compassion | June 25, 2020 | Bannie Bandibas

BOOKSHELF

bookShELF

by Bannie Bandibas

Reading,
It gives me much learning
About humans and how the world runs.
It gives me understandings,
Like, why we sometimes tend to use guns.

Out of cruelty and inequality,
We chose not to behave and fight,
But I don't think it's the only way
Because my eyes can still see a light.

If only we'll try to practice a personality
Of always putting ourselves to the other's shoe
Then we'll have better words and actions
Not to makes someone's war to just blew.

Bookshelf | June 25, 2020 | Bannie Bandibas

PUTING SAYA NI LIGAYA

Puting Saya ni Ligaya
ni Bannie Bandibas

Malalim na ang gabi, bitbit ko'y isang supot ng gabi--
Sa kabilang kamay nama'y pulang lobo na sa iyo'y aking ipangreregalo
ngunit iniwan mo akong parang lobo
o parang aso na walang tigil sa pag-ungol. Nagbabakasakali.

Binasa ng luha ang aking mga mata't unti-unti nang nawawalan ng sigla
habang binabasa ang liham ng pamamaalam mo.
Nanginginig, di makatayo, nahuli ng lungkot ang puso.
Huli na, pagkat natapos na ang tayo. Di na liligaya...

Ngunit mali ako. Kaya ko pa ring makadama ng tuwa.
Gaya ng inakay na inaakay, mapapanatag ang puso.
Gaya ng mga batang naglalaro sa ilalim ng puno
ay mapupuno ng galak at mahahanap ang sigla.

Gaya ng puting saya ni Ligaya, tatawa akong muli,
May kalakip na dalisay at walang singtamis na ngiti, sigurado.
Di kailangang maging mahal ang magmahal sa mundo,
Maging bukas lang sa sarili na bukas ay kasyang kasiyahan na ang sukli.

#TNMS4ROUND1

Puting Saya Ni Ligaya | June 1, 2020 | DYO Writes Page | DYO – TNMSeason4 | Partisipante | Bannie Bandibas

HATID

Hatid (Solo)

ni Bannie Bandibas

Po?

Anong kaya kong gawin para sa pag-ibig?

Kaya ko pong tiisin ang pangungulila,
Tiisin ang lungkot ng hindi siya nakikita.
Kaya ko pa ring ipadama na mahal ko siya
Kahit magkabilang dulo ng mundo ang pagitan naming dalawa.

Anong kaya kong gawin para sa pag-ibig?

Kaya ko pong magbigay ng oras at panahon.
Makausap siya sa tuwing may pagkakataon.
Kung pwede ko lang ilagay ang sarili ko sa kahon,
Ipatangay patungo sa 'yo at kalabanin ang mga alon.

Ngunit hindi. Hindi maaari.
Pagkat minsan lang sa isang taon ako pwedeng umuwi.
Ngunit bakit sa isang minsan ay ganito pa ang mangyayari?
Di mapakali. Parang may mali.

Anong kaya kong gawin para sa pag-ibig?

Kaya kong titigan ang iyong mga ngiti mula sa malayo,
Ngiting huli kong nasilayan no'ng sinagot mo 'ko—
Bago yong araw na kinailangan kong lumayo.
Akala ko matitiis mo. Akala ko matibay tayo.

Ngunit naghanap ka ng bagong kasiyahan.
Nakahanap ka ng sa puso mo'y aalayan
Kahit ang puso ko'y iyo pang tangan—
Ganito na pala kadaling maging salawahan?

Naisip ko rin namang umalis na nang tuluyan
Pero hindi tamang ikaw ay iwanan
Nang walang paalam.
Alang-alang sa pinagsamahan,
Ihahatid kita

Doon sa lugar kung saan ka magiging masaya
Kahit na hindi ako ang kasama.
Ihahatid kita.
Walang mangungulit at wala nang magagalit.
Wag kang mag-alala, ihahatid kita.

Anong kaya kong gawin para sa pag-ibig?

Kaya ko pong pakawalan ang mga nais kumawala
Ngunit pasensya na. Pasensya na.

Ang ragasa ng damdamin ay di ko napigilan,
Patawad ngunit ang nagawa ko'y di ko pinagsisihan.
Tinupad ko naman ang pangako kong sa 'yo ay magpapaalam
At ihatid kita. Hinatid kita sa huli mong hantungan. 

Paalam.

FACEBOOK VIDEO

Hatid (Solo) | April 7, 2022 | Asian Tounge | Bannie Bandibas

Hatid (Duet)

Po?

Us: Anong kaya mong gawin para sa pag-ibig?

Cris: Kaya ko pong tiisin ang pangungulila,
Tiisin ang lungkot ng hindi siya nakikita.
Kaya ko pa ring ipadama na mahal ko siya
Kahit magkabilang dulo ng mundo ang pagitan naming dalawa. 

Us: Anong kaya mong gawin para sa pag-ibig?

Ban: Kaya ko pong magbigay ng oras at panahon.
Makausap siya sa tuwing may pagkakataon.
Kung pwede ko lang ilagay ang sarili ko sa kahon,
Ipatangay patungo sa 'yo at kalabanin ang mga alon.

Ngunit hindi. Hindi maaari.
Pagkat minsan lang sa isang taon ako pwedeng umuwi.
Ngunit bakit sa isang minsan ay ganito pa ang mangyayari?
Di mapakali. Parang may mali.

Us: Anong kaya mong gawin para sa pag-ibig?

Ban: Kaya kong titigan ang iyong mga ngiti mula sa malayo,
Ngiting huli kong nasilayan no'ng sinagot mo 'ko—
Bago yong araw na kinailangan kong lumayo.
Akala ko matitiis mo. Akala ko matibay tayo.

Cris: Ngunit nakahanap ako ng bagong kasiyahan.
Nakahanap ng sa puso ko'y aalayan
Kahit ang puso ko'y iyo pang tangan—
Ganito na pala kadaling maging salawahan?

Ban: Naisip ko rin namang umalis na nang tuluyan
Pero hindi tamang ikaw ay iwanan
Nang walang paalam.
Alang-alang sa pinagsamahan,
Ihahatid kita

Song: Doon sa lugar kung saan ka magiging masaya
Kahit na hindi ako ang kasama.
Ihahatid kita.
Walang mangungulit at wala nang magagalit.
Wag kang mag-alala, ihahatid kita.

Us: Anong kaya mong gawin para sa pag-ibig?

Cris: Kaya ko pong pakawalan ang mga nais kumawala
Ngunit pasensya na. Pasensya na.

(Sabay alis)

Ban: Ang ragasa ng damdamin ay di ko napigilan,
Patawad ngunit ang nagawa ko'y di ko pinagsisihan.
Tinupad ko naman ang pangako kong sa 'yo ay magpapaalam
At ihatid kita. Hinatid kita sa huli mong hantungan. 
Paalam.

Hatid (Duet) | La Terraza | June 19, 2020 | Bannie Bandibas

IMAHE

Imahe
sa panulat ni Cristy Berezo

Cris: Sa isa.t isa
Tayo.y dinala ni tadhana
Pinatagpo ayon sa kagustohan ni bathala
Ang isa.t isa ang naging takbuhan
Noong mga panahong pareho tayong nakakulong sa nakaraan
Naging sandigan ang isa.t isa upang harapin ang bagong umagang wala na ang mga dating mahal

Ban: Naging panakip ang bawat isa, upang takpan ang sakit na dulot nang kahapong nagdaan na dumurog sa puso nating dalawa
Ginamit ang isa.t isa upang pagtagpi tagpiin
Ang mga pusong nadurong ng kanya kanya nating pag ibig
Ang isa.t isa ang naging sandalan
Upang makalimotan ang sakit at sugat na malabo nang maghilom pa
Hindi na maibabalik ang dating pagsasama
Tanggap na ng bawat isa na ang kanya kanyang pag ibig
Ay natapos na, at hindi na ulit maibabalik pa
Ang nakaraan ay limot na

Song—Chorus Ban

Cris: Ang hirap palang kalimotan ang isang taong
Nag ahon sayo mula sa hukay nang nakaraan
Sa kadena nang kalungkotan
Nagpalaya sayo mula sa kulongan nang sakit na dulot ng nakaraan at sa takot na muling maulit ang mga pighati
Ang mga masasayang alaala ay sa litrato nlang muling masisilayan
Ang mga matatamis na ngiti ay sa alaala nalang nakaukit
Ang mga masisigla mong pagtawa ay mananatiling musika sa aking tinga
At ang mga pangako sa isa.t isa ay patuloy na tutuparin kahit nag iisa
Hanggang dito nlang tayo

Song—Verse2 Ban

Ban: Ang pag ibig ay di nasayang
Hindi man tayo nagtapat sa isa.t isa
Sa totoong nararamdaman
Nais ko mang bumalik sa nakaraang ikaw pa ang kapiling
Ay hindi na maaari pa
Tayo.y pinagtagpong magkita
Subalit hindi tinadhanang magsama

Ban: *Mutigtig, stand straight*

Cris: Hanggang sa walang hanggan
Kung maaari ko lang sanang
Hawiin ang lupang nakakumot sa iyo sinta akin ng ginawa
Kung maaari ko lang sanang
Punan ang iyong nawalang hininga
At wasakin ang salamin na nakapatung sa iyong kahon
Upang ika.y muling makapiling akin nang ginawa
Hindi mo na maririnig pa ang mga salitang nais kong ipahiwatig
Hindi mo na madarama pa ang aking pag ibig
Hanggang dito nalang
Natapos na ang oras na sa ati'y inilaan.

Imahe | June 19, 2020 | Bannie Bandibas

AKAP YEAR-END DAGLI

| KunEho—Editor, Certificate Artist

Akademyang Pampanitikan

Year-end Dagli

January, 2020

AKAP WRITER OF THE MONTH: APRIL & MAY 2020

| KunEho—Editor, Certificate Artist

Akademyang Pampanitikan

Writer of the Month of April and May

2020

TULARAWAN

Entry No: 47

#TULArawan

#TulaSaLikodNgLarawan

Mensahe Ng 'Yong Langit

Hirang, 

ako'y kumulimlim nang iyong iwan.

Piniling lakbayin, malawak na karagatan

kaysa tunay na may kalawakan. 

Sinta,

sa akin sana'y umuwi ka na. 

Ipagaspas muli ang iyong haraya,

bumuo tayo ng tulang malaya.

LITRATO MULA SA PAHINA

PASKIL NG TULARAWAN

Mensahe Ng 'Yong Langit | June 4, 2020 | Tularawan | 33 Words Poem Challenge | Top 88 | Bannie Bandibas

***

Entry No: 47

#IkalawangHamon

#TULArawan

#TulaSaLikodNgLarawan

Bunga ng Krimen

Anak, halika dito sandali.

Samahan mo muna si Mama.

Buhok mo ay aking itatali

nang masilayan nila ang iyong ganda.

Ang gandang nakabibighani

na parang isang mapulang gumamela,

ang nilalang na aking pinili

kaysa sa karapatdapat na mawala.

Nawala ako noon sa aking sarili

ngunit kagustuhan ko ang nagawa.

tinanggap ko ang nangyari

pagkat kapalit nito'y ikaw, aking sinta.

Sintang ako'y habambuhay na mawiwili

at lungkot ay di na masisilayan sa mata.

Di mo makikita ang aking pagsisisi

kahit nang gabing iyo'y napuno ito ng luha.

Luhang kapatawaran ang hinihingi

pqagkat kumitil ng buhay nang di sadya.

Ang pag-ibig mo sa akin, sana'y manatili

kahit malaman mong pinatay ko ang halimaw—ang tunay mong ina.

LITRATO MULA SA PAHINA

TALA NG ISKOR

PASKIL NG TULARAWAN

Bunga Ng Krimen | June 4, 2020 | Tularawan | Pagsulat ng Tula - Ikalawang Hamon | 3rd Place | Bannie Bandibas

NANG SINUBOK ANG ANAK

Nang Sinubok Ang Anak

Nakakulong sa kuwadradong napakatigas

na kahong gawa sa bangkay ng punong Narra—

pinipilit ang sariling makalabas, makatakas,

pagkat hindi ko na kaya. Hindi na makahinga.

Nagkukumahog sa pagpukpok at paghampas

ng sariling mga braso't binti na namamaga na,

nagmamanhid at tuluyan na ngang nanigas

ngunit pursigido pa rin para lang makalaya.

Inalog, binugbog at heto na nga sa wakas—

nalanghap na ang sariwang hangin ng umaga,

nakahinga't nakaramdam ng saya sa paglabas

ngunit bakit parang may mali? Dilim ang nakikita.

Ang tanging nakikitang liwanag ay nasa itaas,

hindi pa ba ito ang paglaya o lalaya pa ba?

Pinanghihinaan ng loob sa pagtakbo ng oras—

napaluhod na lamang, nawawalan ng pag-asa.

Talaga bang ang tadhana ay isang sakim na Hudas

o ito'y baka pagsubok lang muli ng aking Ama?

Kung napagtagumpayan ko ang kulungan at rehas,

tiyak ang bangin ay kakayaning akyatin ng mga paa.

Puso'y mananalangin at patuloy na mag-aaklas

pagkat nakikita ang liwanag ng Kanyang mga mata

na nagsasabing makakabangon ka at may lunas—

sa mababaw na hukay na ito ay hindi ako nag-iisa.

SERTIPIKO NG PAGLAHOK

Nang Sinubok Ang Anak | June 3, 2020 | AkLit - The Unspoken | Pagsip-eak Poetry Writing Contest | Partisipante | Bannie Bandibas 

BALIGHIUSA

| Bannie Bandibas—Banner and Logo

RMMC College of Accountancy

Administration Logo 2020

BALIGHIUSA

LAKBAY

LITRATO NG AKTWAL NA LIBRO

EMAIL NG 7-EYES PRODUCTION, OPC

Mga Tula Sa Rehiyon Dose | June 3, 2020 | 7 Eyes Production, OPC | Submission | Accepted | Bannie Bandibas