Bannie | PleumaNimoX

Search This Blog

Monday, October 30, 2017

PHP. 100

Php. 100
ni Bannie Bandibas

Isang daang piso,
Ganyan lang ba ang halaga ko?
Ni hindi makatingin ng diretso
Sa mga mata ko.

Bakit iba na ang tingin n'yo sa 'kin?
Kasalanan ko ba ang nangyari?
Ako ang napagsamantalahan
Ngunit bakit ako nabibigatan at nasisisi.

Pati ikaw, ikaw na minsang nagsabi
"Sa ganda mo, maraming mabibighani."
Ikaw na minsang nagbigay ng pagmamahal,
Ngayo'y mang-iiwan na rin ere.

Kasalanan ko ba ang magahasa?
Tapos susumbatan mo pa--
"Kung nag-ingat ka lang sana,
Edi sana mahal pa rin kita."

Umasa ako na ikaw ang una
At huling taong tatangap sa puso ko,
Yong akala kong magpapahalaga
Ngunit ang unang magtatapon pala...

Ng isang daan sa mukha ko
Habang nakaluhod at nagmamakaawa
Sa kasalanang hindi ko ginawa--
Isang kalapateng ang lipad ay mababa...

Gan'yan mo ako ngayon nakikita...


Php. 100 | October 31, 2017 | Bannie Bandibas

Tuesday, October 3, 2017

83RD NATIONAL BOOK WEEK


Logo Making Contest
RMMC College Library Celebration of 83rd National Book Week
3rd Place

Sunday, October 1, 2017

GUPROGRESIBO

   Unang nilahukan kong paligsahan sa pagsulat noong nasa kolehiyo ako. Isang hindi masyadong pinaghandaan dahil umaga ng mismong araw ako inabisuhan na ako ang isasalang sa kompetisyong ito--Pagsulat ng Tula para Araw ng mga Guro na gaganapin pagkabukas ng araw na iyon. Dali-dali akong pinili ng presidente namin sa departamento na lumahok at wala akong pag-aatubiling sumang-ayon. 

    Narito ang aking piyesa: (Matatagpuan rin sa Wattpad)

GUpROgresibo
[Tula]

Sa paglipas ng panahon, ang mundo
Ay patuloy at unti-unting nagbabago
Kasabay ng bawat minuto o segundo
Na matikas at pustura kang nakatayo...

Sa harap ng libo-libong mga mata,
Ni isa ay di mo man lang kilala,
Ni kadugo, ni kasundo, ni kapamilya,
Ngunit handa mo paring alalayan sila.

Sila na sa araw-araw ay naging
Parte na ng problema sa buhay at dilim,
Bukas palad mong tinanggap nang walang daing
Kaya't pangalawang magulang, ikaw ay itinuring.

Dakilang ama o ina na labis ang tuwa
Na kahit hindi nauna, palaging nariyan ka,
Iaalay ang mga kamay at puso upang turuan sila
Pagkat hangad mo ang tagumpay at kinabukasan nila

Nais mong mapaunawa na sila na lamang
Ang maari niyong paunlarin at asahan
Sa pagbabago at pagyabong na inaasam,
Magpapatuloy sa daang inyong sinimulan...

Kaya't handa n'yong ibahagi sa bawat tainga
Na makikinig sa mga salita at letra
Na pinaghirapan niyong buuin at maitula,
Maisulat sa mga makahulugang tanikala

Panulat at kaalaman na bibitbitin namin
Ay magsisilbing tulay at salamin
Ng mga sakripisyo at paghihirap na tiniis mo
Upang gabayan ang magiging dahilan ng progreso ng mundo.

Date: October 2-3, 2017
Author: Bannie M. Bandibas
Theme: Gurong Pilipino: Kaabay sa Progreso
Genre: Inspirational/Commemorative
Award: 2nd Place

Ramon Magsaysay Memorial Colleges General Santos
Teachers' and Employees' Day 2017 Celebration

    Isang tula na alay ko para sa ating mga dakilang guro. Napapagod man ay hindi ninyo kami sinukuan 'pagkat tunay na hangad niyo ang aming tagumpay. Salamat sa pagtitiyaga at walang sawang pagbabanat ng buto upang kami ang maturuan. Isang malaking parte ang naibabahagi ninyo sa progreso ng mundong ating ginagalawan at aming pamumunuan, mga kabataan, bukas Pagpupugay para sa inyo, mga totoong alagad ng edukasyon.

    Hindi naibigay ang sertipiko pagkat nagkamali sa pag-imprinta at hindi na nabalikan.


GUpROgresibo | October 2, 2017 | Ramon Magsaysay Colleges | Teacher's Day 2017 - Pagsulat ng Tula (10/3/2017) | Second Placer | Bannie Bandibas

*middle part, behind another guy sitting*


MAINIT NA KALAMANSI JUICE

WRITERS SECRET FILES

Mainit na Kalamansi Juice

#SaPaskongSasapit


Heto na naman tayo sa panahong

Laganap ang mga cold at bitter.

Nagkukumpulan na parang mga dahon,

Ang mga itsura’y aakalain mong killer.


Tititigan ng masama ang mga naglalakad

Na couples, married at it’s complicated.

Sigaw nila’y “Walang Forever” habang babad

Sa ilalim ng araw--init ay di batid.


Mga brokenhearted and brokenwallet,

Naloko, napagsamantalahan, na-uto,

Naperahan, nanakawan, ipinagpalit,

At hinayaang mabasag ang puso.


Naisip ko, tila ako’y kasapi nila--

Samahan ng Malalamig ang Pasko.

Kasi nararamdaman ko sila--

Ang kalungkutan ng isang nabigo...


Ngunit, naalala ko--di ako ganito.

Sabi pa nga ni inay na dapat

Sa bawat taon na sasapit ang pasko,

Maging masaya ako’t di maalat.


Oo, nga naman - bakit ko nga ba

Sasayangin ang isang pagdiriwang

Na nakasanayan kong masaya

Ay maging malungkot dahil sa isang paalam.


Galing sa isang babaeng labis kong

Kinagiliwan, minahal at inalagaan.

Ngunit sumuko--yong tipong

”Bakit ikaw ang napagod? Ako naman yung lumaban.”


Kaya tama na--ayaw kong maging tulad nila.

Di makalaya sa sugat at sakit na nadarama,

Kaya ngayong sasapit ang pasko, ako’y maligaya.

Init at tamis ng pag-ibig ang aking ititmpla.


A juice in hot water--try to imagine.

Yong nagkakasundo ang init at tamis sa aking panlasa.

Kalamansi--pagka’t ako’y mayroon pa ring asim.

Ganiyan ako kung mag-move-on, ang weird diba?


*Certificate of Participation*
Note: Created by Yours Truly

Mainit na Kalamansi Juice | October, 2017 | Writers Secret Files | Sa Paskong Sasapit (Poem Category) | Partisipante | Bannie Bandibas

Saturday, September 30, 2017

ALL I WANT FOR CHRISTMAS

    Unang beses nagpasa ng tula sa isang antolohiya at laking tuwa ang aking nadama nang matanggap ito. Naisulat ko ang mga ito kasama ang isang espesyal na tao, nanatili siyang espesyal at matalik na kaibigan. Susubukan kong hanapin ang kopya ko ng mga tula sa aking notes pero malabo na sigurong mahanap pa.

*Iskrin-syat ng post sa pahina nh Victory Publishing - di na matagpuan*

*Itsura ng Publikasyon*


Mamagda, Tayutay at Kapatid | 2017 | Victory Publishing (PH) | All I Want for Christmas Anthology | ACCEPTED | Bannie Bandibas

LITTLE LOUD CRY

    Another First Time. Sumali ako sa isang kontes sa pagsulat ng tulang pag-ibig sa Instagram at kahit di ko inaasahan ay nanalo bilang unang parangal ang aking inaamin na piyesang sobrang sabaw. Kahit ako, hindi confident sa aking gawa ngunit nagpapasalamat akong nagustuhan nila. Nakita rin ito ng aking ate sa mundo ng panitikan at labis niyang kinagiliwan ang aking pagkapanalo, sumalangit-nawa. Gabayan mo ako Ate Jube.

*Acknowledgement/Certificate*

*Entry Piece - deleted from their page*

*Instagram Profile - old*

New Instagram Account

Little Loud Cry | For the of Poetry | Love Poem Writing Competition | First Place - Child Category (2) | Bannie Bandibas

Thursday, May 4, 2017

JEAN GREEN

Jean Green
ni Bannie Bandibas

Isang gabing pangkaraniwan. 
Gabing hindi ko inakala
Na ika'y muling masisilayan
Ng aking mga mata.

Ilang taon kong inasam
Na tayo'y magtatagpong muli. 
Pagkakataong ika'y matanong,
Ngunit bibig ko'y walang masabi-- 

Pagka't kaba ko'y kumakatok. 
Kahit puso ko'y sabik, 
Utak ko'y pinipigilan
Akong nakaraa'y maibalik.

Pinili ko na lang na maging bulag
At bingi sa tunay kong nararamdaman.
Puso ko'y nais kang yakapin. 
Gawin mo na, bulong ng mga boses sa akin. 

Ngunit may isang Tinig na mahinang ibinubulong,
"Nakaraan mo'y iyo nang inialay sa Akin. 
Paikutin mo na muna ang gulong
At huwag nang lumingon sa kung saan ka galing."

"Hawak Ko ang puso mo
At alam Ko ang makabubuti sa iyo. 
Tandaan, manunulat Ako--
Ang Siyang gumagawa ng istorya mo."

"Ako ang magtatakda sa kung sino
Ang nais Kong makasama mo. 
Kung siya bay kilala mo na
O kaya'y makikilala mo pa."

"Sa pagkakataon na iyong sinayang, 
Pakiusap, wag kang manghinayang. 
Dahil kung kayo talaga ang itinakda sa huli, 
Kayo'y pagtatagpuin Kong muli."


Jean Green | May 5, 2017 | Bannie Bandibas

Wednesday, April 12, 2017

INIT

Init
ni Bannie Bandibas

Ramdam ko ang hapdi ng init,
Init na tumatagos kahit sa makapal na damit--
Malamais na pawis koy patuloy sa pagpatak,
Dumadaloy na gaya ng mga luha kong bumabagsak.

Ubos na ubos na, oo, pagod na ako,
Maraming katanungan ang tumatakbo sa isip ko--
Di na maintindihan ang mga plano mo,
Nakatitig sa araw, ako ba'y pinaglalaruan mo?

Ngunit sumagot ka at ito ang yong sabi:
Anak, pakiusap' makinig kang mabuti,
Di ko gusto ang mapunta ka sa puntong iyan,
Dinaranas ang mga paghihirap at kasawian.

Ngunit ito lamang ang naisip kong paraan
Upang ako'y muli mong pagkatiwalaan,
Muli mong mapansin at hingan
Ng tulong kapag wala ka nang mapuntahan.

Gusto kitang ilabas sa desyertong iyan,
Hilain ka sa bawat paglubog mo sa buhanginan--
Tatakpan ko ng lilim ng ulap ang sinag ng araw,
At sasabuyan ka ng ulan, pampawi ng uhaw.

Ako ang proteksyon mo sa mga alon,
At di ka hahayaang tuluyang malamon
Ng mga pagsubok at problema--
Pangako ko, ika'y yakap ko na.

Di na hahayaang masunog ang balat,
Ang tubig ng pag'ibig ay muling magkaka-alat--
Your tasteless life now taste sweet,
Just let me hold your heart and live IN IT.

Init | April 12, 2017 | Bannie Bandibas



Monday, January 2, 2017

SWPU LOGO 2017 (2)


| Kuneho—Editor, Artist
Spoken Word Poetry University
Administration Logo 2017 (2)
2017

Sunday, January 1, 2017

SWPU LOGO 2017 (1)


| Kuneho—Logo
Spoken Word Poetry University
Administration Logo 2017 (1)
2017

AUTHOR'S PUBLISHED WORKS (TBU POST)

Author: Bannie Magallano Bandibas NBDB Author/Writer Registration No. 5666 Pen name(s): Pleumanimox, Banuy, Numistmanunula Publication(s):...