HANTOD KRAS NA LANG

Hantod Kras na Lang

ni Bannie Bandibas

Kras, kahinumdom pa ko sa una,
Maskin wala pa tay buot pag elementary
Kiligon jud ko pag tagaan ko nimog kendi
Maskin kabalo ko na imo ra tong napunitan,
Laming usap-usap, nya imo rang gikataw-an.
Pero ok ra kay Kras man lage.

Niabot tag Grade six.
Nihilak ka kay pasayawon kang teacher.
Naluoy ko nimo maong akoy niBolunteer.
Gipabudots ko ni maam, nalingaw ang tanan,
Maskin lain kay imo pud kong gikantsawan
Ok ra kay Kras man lage.

Katong hayskul.
Nanan-aw tag horror sa sinehans kcc,
Sa sobra ka-hadlok, ang coke imong nawakli.
Akoy nayabuan mura na nuog naka-ihi sa shortpan.
Igo ra ko ningisi maskin akoy napaulawan.
Sige lang kay Kras man lage.

Pagradweyt na ta.
Akong giamin sa imo na ikaw akong gusto,
Pero nibalibad ka kay ako imo ra lageng amigo.
Wa pa ko gibungot pero kasinati na kog nasakitan,
Sa kadaghan, nganong gugmang giatay man?
Pero dawaton na lang kay Kras man lage.

Nagkita tag usab.
Hantod karon, way nagbag-o sa imong kagwapa
Kung kabalo lang ka—Kras gihapun baya tika.
Pero ako nakuratan nganong nidako man imong tiyan?
Nabuyagan diay ka'g dautan na wa ka gipakaslan.

Busa kamo, mga kabatan-onan,
Ayaw jud pagdali mangitag maminyuan
Kay basig puhon, ikaw ray magsisi.
Sa karun, Okay lang magKrasKras pre
Pero hantod Kras na lang lage.

PITIK NI MARY DIVINE

Hantod Kras na Lang | April 7, 2022 | PACMAN Radio | Bigkas Kabataan Segment – VOTY Radio | Bannie Bandibas