PARA NI KRAS

Para Ni Kras

ni Bannie Bandibas

Unang sabado sa Disyembre,
Hapit nang mga adlaw sa happy-happy.
Pila na ka-tuig ang niagi,
Buang gihapun ko nimo. Siyempre.

Magpadakop na lang guru ko bi,
Kay dili na jud madalag block sa fb.
Mangita man jug paagi
Makita ra imong pangag nga ngisi.

Ngano man gud nang imong pakyutkyut
Og kindat-kindat kadiyot.
Magmove-on na unta, apila'g dagkot,
Dili man jud ko kalimot.

Nalisang jud ko sa imuha,
Sakto na kaayo imong itsura
Maskin baho'g ilok—puryagaba,
Sige, antuson ko lang na.

Awa. Wallpaper pa jud tika.
Adlaw-adlaw ra nako makita
Ang buglat nimong mata
Og kagwapa. Sapat na.

Gatuo baya ko kanunay
Na basig Kras pud ko nimo day.
Maskin muingon sila usahay,
Na tanga ra jud daw ko—panuway

Pero unta makita na ko nimo te,
Ikaw na pud adjust bi.
Dugay na jud ko available dinhi,
Wala ra juy mupili.

Hangyo na jud baya ni ha,
Diskawnted og sale pa.
Unta puhon oi madagma ka
Madagma nas akoa.

Para ni nimo Kras
Merry Krismas.

Para Ni Kras | April 7, 2022 | Bannie Bandibas