#Challenge by Cloud Rain
Rosas accepted...
Paano
ni Bannie Bandibas
Paano kita sasagipin mula sa pagkakalunod
o paano maiiwasan ang iyong pagkaanod
sa di malaman kung paano nabuong delubyo
kung ayaw mong kumapit sa pisi, mahal ko? Paano?
Paano ako maniniwala sa iyong mga salita
kung sa likod nito'y may "paano ko ito magagawa?"
Paano ako makasisiguradong nakalaya ka na
kung sa mga mata mo'y "paano ako makakawala" ang nakalista.
Paano ko susubukang tulungan ka sa kalugmukan mo
kung "paano ako magiging masaya" pa rin ang nakikita ko
kahit nandito naman ako. Paano naman ako?
Paano si Natoy na tunay na nagmamahal sa 'yo?
Paano mo ko kukumbinsing manatili sa iyong mga yakap
kung "paano kaya kung bumalik siya" ang sa isip mo'y nangungusap?
Sana hindi ako umabot sa puntong ang mga paanong ito
ay mapalitan ng "paano kung napagod na ako?" Paano ka na, mahal ko?
No comments:
Post a Comment