Search This Blog
Friday, March 2, 2018
JPIA NIGHT 2018: PRESSURE MAKES US DIAMONDS
Wednesday, February 28, 2018
PARAISO AKLATAN
Unang kompetisyon sa pagsulat ng dagli na nilahukan ko na nagka-ranggo at nakatanggap ng mga papuri. Napakasaya ko nang mga panahon na ito dahil kahit isang beses lang ay nagustuhan ng iba ang dagli ko na di ko pa gaanong gamay noon.
Entry No. 9
Theme and Prompt: Fetish - Bibliophilia
"Ma! Saan mo dadalhin ang mga libro ko?"
"Mabuhay ka sa realidad Esang. Huwag kang tumulad sa kapatid mo, natatakot akong mawala ka rin sa amin."
--
Tatlong taon na rin ang nakalilipas mula nang iwan kami ng natatangi kong "book buddy", si ate Jonah. Hawak-hawak ko ang librong yakap niya nang siya'y binawian ng buhay. Natatakot akong basahin kaso ito na lamang ang natitirang libro dito sa kwarto ko, para kasing mamamatay ako kapag walang nababasang libro.
Binuklat ko ang libro at isang nakakasilaw na ilaw ang nagpapikit sa akin.
--
Pagdilat ko'y kamangha-manghang lugar ang aking napuntahan. Tila isang paraiso ng mga libro. Mga librong lumilipad, may buntot ng isda at iba'y naghahabulan. Ang aking nilalakara'y pinagpatong-patong na "bookmarks" at sa harap ko'y isang kastilyo na gawa sa malalaking "bookshelf" na may napakaraming libro. Isang tunay na paraiso para sa katulad ko, parang gusto ko nang manatili dito.
Hanggang may isang diwata ang sa aki'y lumapit. Bati niya'y "Maligayang pagdating, hayaan mong gabayan kita papasok. Alam kong masisiyahan ka sa makikita mo." Dahil sa labis na pananabik ay agad akong sumama.
Nagulat ako sa aking nasaksihan. Isang mataas na tambak ng libro ang bumungad sa pagpasok ko. "Kumuha ka, maaari mong basahin ang lahat ng iyong nakikita."
Ako'y natuwa at agad tumakbo patungo sa mga libro. "Esang!" Ako'y napatigil at hinanap ag pinanggalingan ng boses. "Masaya akong nandirito ka na rin aking kapatid, ito ang basahin mo."
"Ate Jonah?"
Kinuha ko ang libro. . .
[Imahinasyon Ang Limitasyon: Paraisong isip mo ang may gawa, kontrolado ang bawat gunita. Kalungkutan o saya, ikaw ang magpapasya.]
Binuklat ko ang libro at nagpatuloy sa pagbabasa habang may mga alitaptap na nagbibigay ilaw sa mga pahina.
--
"Time of death, 11:11 pm."
#PSCfetish
![]() |
| *Certificate of Participation* |
![]() |
| *Certificate of Achievement - 2nd Place - Fetish* Note: Certificate collaborately created by yours truly |
![]() |
| *Certificate of Recognition - Reader's Choice Award - Fetish* |
PARAISO AKLATAN | February 28, 2018 | Poemstar Community | Writing Competition of Fetish and Fears | 2nd Place - Fetish, Reader's Choice Awardee | Bannie Bandibas
Comments/Critiques:
Pamilyar sa akin ang "Imahinasyon ang limitasyon, paraisong isip mo ang may gawa, kontrolado ang bawat gunita, kalungkutan o saya, ikaw ang magpapasya" na ginamit na linya.
Galing ba 'to sa isang movie? - Paradox
---Sa commercial po ng Krimstix ko 'yan nakuha (tagline). "Imagination mo ang Limit". Hehehe
Xia Lavender--Simple lang din ito pero mapapasabi ka ng "Worth it basahin" Nalarong mabuti ang nakuhang tema, naramdaman ko na ako si Esang habang binabasa ko ito kasi naka-relate ako do'n sa mahilig magbasa. Siguro mas gawing smooth lang ang pagkakalahad, pati na ang transition ng bawat pangyayari. Iyon lang, goodluck! Sulat lang nang sulat.
Lanylyn Bellen--Bigla akong nagsalita rito mag-isa; " Mahilig din siya sa pagbabasa." Maganda ang takbo ng kwento, malikhain sa paggamit ng mga salita, pinaghandaan at malawak ang narating ng imahinasyon. Minsan kasi iniisip ko rin na baka sa sobrang attachment ko sa books e makarating ako sa ibang dimensiyon. Mahusay ka! Good luck! Sulat at basa lang palagi!
Kelvin Gamboa--Gan'to ang inaasahan kong mga entry, salamat! Maganda, wala ako masabi kundi basa lang nang basa! Kudos sa creativity! Sulat lang at good luck sa patimpalak!
Kimmy Winter--Hindi ko na-gets ang mga linya bago ang panaginip, hindi siya na-justify ng ending. Parang hindi siya connected. Maganda ang pagkakalahad ng Fetish at Phantasm. Balanse sila, ang paraan lang ng pagkukuwento ang medyo nagpalabo sa kabuuan. Wala naman akong nakitang mali sa teknikal na aspeto. Siguro medyo namadali lang ang pagkakagawa ng kuwento. Congrats!
![]() |
| *Reader's Choice* |
Monday, February 26, 2018
DAHI-DAHILAN
ENTRY#9
Dahi-dahilan
"Talunan kasi ako
Kaya di ako nananalo.
Mahina, bobo,
Walang alam sa mundo."
Hanggang kailan ka mabubuhay sa gan'yan?
Ibinababa ang ikaw mula sa matayog na hagdan.
Natagpuan ang sarili, sa sahig, duguan.
"Di ko na kaya." Susuko ka na lang.
"I can't do it, I can't."
Excuses, Excuses.
This is not a rant
But a realization of bruises.
Dulot ng tao, isang kasinungalingan
Na kapag nadapa, hihiga kang tuluyan.
Pakiusap, gumising ka kaibigan.
Huwag hayaang pigilin ka ng kabiguan.
"Tao lang kasi ako, hindi ako perpekto."
Sinong nagsabi na kailangan mong maabot ang tuktok ng mundo?
Wala naman talagang perpektong tao
Kasi hindi ka Diyos, o kahit kanyang anino.
Magkakamali, matatalo, at panghihinaan
Ngunit huwag mo itong gawing dahilan.
Mawala man ang iyong kalakasan,
Basta't ang mahalaga'y di mo ito sinukuan.
Kaya ako naiinis sa mga taong puro dahilan
Kasi dinadaan sa salita bago gumawa ng paraan.
Kung ayaw mong makoreksyunan,
Mas mabuting tumahimik ka na lang.
Ang sakit sa tainga, lalo na kung puro reklamo.
Ba't di yumuko at magtago d'yan sa dulo.
Hindi ka rin naman natututo,
Hindi mo pinapakinggan ang mga payo sa 'yo.
Hindi ka perpekto ngunit pilit mong inaabot.
Kaya konting mali, ika'y agad nayayamot.
You can try to be perfect pero subukan mo lang,
Huwag piliting umakyat sa hindi mo hagdan.
Kung nakararamdam ka ng pagkababa
At pinili mong manatiling mababa,
Please, wag kang bumunganga.
It's your choice na maging dukha.
Salat sa pag-asa at pagkakataon
Kaya sinisilid mo ang sarili sa kahon.
Only you can lift yourself up--
Kaya kung ayaw mo, then SHUT-UP!
![]() |
| *Certificate of Participation* |
Dahi-dahilan | February 26, 2018 | Midnight Collective | Spoken Word Poetry | Partisipante | Bannie Bandibas
Sunday, February 18, 2018
PSC OF FETISH AND FEARS
Wednesday, February 14, 2018
KONSEPTO
Entry #1
Konsepto
Love is patient.
Love is kind.
Love should be meant.
Love is blind.
Maraming konsepto,
Na gawa ng Diyos at tao,
Kung papaano
Magmahal nang totoo...
Ngunit ito ang tanong ko--
May pag-ibig nga ba sa mundo?
May nagmamahal nga ba
O may minamahal pa ba?
Aking naririnig,
Ngunit di maunawaan
Ang sigaw sa aking paligid,
”Tayo’y magmahalan..."
Ngunit pag-ibig nga ba
Kung naglalamangan ang isa’t isa?
’Yong ‘pag may ibinigay ka,
Maghihintay ng kapalit, at umaasa.
Pag-ibig din ba ang pag-aalala,
O ang kahit simpleng pag-aaruga
Kung may sekretong intensyon,
Mabuti, masama, o upang makakuha ng atensyon.
Umiibig ngunit nagrereklamo
Kapag hindi napansin.
Alam mo nang talo
Kaya ka dumadaing.
Pag-ibig pa kayang matatawag
Kung sa puso mo ito’y bumabasag?
Iibig ka pa ba sa isang dilag
Kung sakit lamang ang kumakalampag?
Pag-ibig na walang kondisyon,
Pag-ibig na walang rason--
Ganyan ang pagmamahal para sa akin.
Ang tunay na pag-ibig ay nadadaan sa panalangin.
Ikaw, what is true love for you?
How far can you go
Just to show
What is the kind of love that you know?
![]() |
| *Certificate of Participation* |
Konsepto | February 15, 2018 | Spoken Word Poetry | Valentine's Day Special | Partisipante | Bannie Bandibas
Comments/Critiques:
John Fritz Flojo - Love Is Sacrificing
MATULANG ROSAS
KAMPI 3
Kampi Round3
#TNPsaKAMPI
#AngIkatlongHamon
Matulang Rosas (Matinik na Pulang Rosas)
Entry#: 4
Katumbas na salita: Kalikasan
Content:
Nanatiling pula--
Ang pag-ibig ko pala sa 'yo ay
Pumusyaw na lamang bigla.
Ang rosas na aking ibinigay,
Akala ko
Habambuhay na.
’Yong tayo,
’Yong saya,
Ang mga pangakong binitiwan,
Ang kumpol ng gumamela--
Inani kasabay ng ulan,
Ay tuluyan nang nalanta.
Ang mga dahon ng pait,
Ang pighati at pagdurusa--
Ang tangkay ng sakit,
Ay mananatiling mahaba.
Ang nadarama ko para sa ‘yo,
Ay nawalan na ng sigla.
Ang araw ng mundo ko,
Ang pagmamahal ng isang diwata,
Ang reyna sa kaharian ko,
Di ko na iisipin na
Magiging totoo.
Ang ikaw at ako ay di na
Magiging buo--kahit
Ang pag-ibig ko para sa 'yo ay
Sa puso pa rin nakakapit.
Ngunit ang mga bunga’y
Nahulog na.
Ang mga puno--
Ang bundok ng pag-asa,
Tuluyang gumuho,
Napagod na.
Ang mga kamay ko’y kahit
Hawak-hawak ka pa--
Natatakot nang matinik... Ngunit (basahin pataas)
#IkawNaNagmamahalMagmahalKaPa
![]() |
| *Certificate of Participation* |
MATULANG ROSAS | February 15, 2018 | KAMPI - Katipunan ng mga Manunulat sa Pilipinas | Tawag ng Panitikan sa KAMPI - Ikatlong Hamon | Qualified | Bannie Bandibas
Comments/Critiques:
Samantha Rivera - ang sad nito, maganda natangay ako. Bannie Bandibas
Tuesday, February 13, 2018
AKAP ANG UNA KONG HEARTBREAK
Friday, February 9, 2018
SANDATA
Sandata | February 10, 2018 | Bannie Bandibas
Thursday, February 8, 2018
SWPU VALENTINE'S DAY SPECIAL POETRY WRITING CONTEST 2018
Thursday, February 1, 2018
18TH BIRTHDAY: BLESSIE
AUTHOR'S PUBLISHED WORKS (TBU POST)
Author: Bannie Magallano Bandibas NBDB Author/Writer Registration No. 5666 Pen name(s): Pleumanimox, Banuy, Numistmanunula Publication(s):...
-
Ï€ Hindi na ito bago sa akin. I am fond of reading comic strips on newspapers and also on some comic themed publications and this is a typica...
-
[Ï€] Sunshades. (Google Translate) Things that covers from sunrays. Masakit sa balat ang sikat ng araw, kailangan mo ng mga lilim o...
-
Sleepyhead by Bannie Bandibas If I would be given a chance To treasure memories, I would keep the moments That you cast your worries. Sinasa...










