Timaan
Sa pagsugod, daghan wa'y labot.
Naa pay uban na igo ra mahimuot.
sa bayrus, dili daw ta makab-ot
kay lage, bisaya, isog og mga singot.
Apan sa pagdugay, wa nabantayan—
naghinay-hinay na tang naapektuhan.
Mga panginabuhi sa adlaw, naligsahan
ug sa gabii, daghan ginasikop sa dalan.
Matag tawo sa balay, kamingaw, gibati.
Walay mahimo kundi magtuplok og sipi.
Naay magpuyo, pero naa juy magpalabi
nga dili mahimutang—mulakaw jud lagi.
Wa nahadlok na naa nay nangamatay,
reklamo didto, dira, 'nya magsugod og away.
Apan unta kitang tanan magsinabtanay
ug kun mahimo, kita magtinabangay.
Sa tagsa-tagsa natong pag-ampo,
mahuman ra jud ning grabing kalbaryo.
Maskin sa timaan walay nakahibaw,
makabuhi ra ta puhon. Pag-abot sa adlaw.
No comments:
Post a Comment