Selda
ni Bannie Bandibas
Selda ang dati mong pangalan,
Dalagang pinagkaitan ng karapatan.
Binaboy ng mga datuhang sabik
Sa ganda at tamis ng iyong halik.
Pinagsamantalahan ang iyong katawan,
Binakuran at patuloy na ninanakawan.
Ngayon, laman ng puso mo'y galit,
Sigaw ng luob mo'y puno ng pait.
Naghimagsik ka ngunit di pa rin natakasan,
Isinilang ang anak mong si Kalayaan
Na ang ama'y ang mapanlinlang na agila,
Inang Pilipinas na ang sarili'y hindi pinalaya.
No comments:
Post a Comment