Bannie | PleumaNimoX

Search This Blog

Wednesday, February 14, 2018

MATULANG ROSAS

KAMPI 3


Kampi Round3


#TNPsaKAMPI

#AngIkatlongHamon

Matulang Rosas (Matinik na Pulang Rosas)


Entry#: 4

Katumbas na salita: Kalikasan


Content:

Nanatiling pula--

Ang pag-ibig ko pala sa 'yo ay

Pumusyaw na lamang bigla.

Ang rosas na aking ibinigay,

Akala ko

Habambuhay na.

’Yong tayo,

’Yong saya,

Ang mga pangakong binitiwan,

Ang kumpol ng gumamela--

Inani kasabay ng ulan,

Ay tuluyan nang nalanta.

Ang mga dahon ng pait,

Ang pighati at pagdurusa--

Ang tangkay ng sakit,

Ay mananatiling mahaba.

Ang nadarama ko para sa ‘yo,

Ay nawalan na ng sigla.

Ang araw ng mundo ko,

Ang pagmamahal ng isang diwata,

Ang reyna sa kaharian ko,

Di ko na iisipin na

Magiging totoo.

Ang ikaw at ako ay di na

Magiging buo--kahit

Ang pag-ibig ko para sa 'yo ay

Sa puso pa rin nakakapit.

Ngunit ang mga bunga’y

Nahulog na.

Ang mga puno--

Ang bundok ng pag-asa,

Tuluyang gumuho,

Napagod na.

Ang mga kamay ko’y kahit

Hawak-hawak ka pa--

Natatakot nang matinik... Ngunit (basahin pataas)


#IkawNaNagmamahalMagmahalKaPa


*Certificate of Participation*


MATULANG ROSAS | February 15, 2018 | KAMPI - Katipunan ng mga Manunulat sa Pilipinas | Tawag ng Panitikan sa KAMPI - Ikatlong Hamon | Qualified | Bannie Bandibas

Comments/Critiques: 

Samantha Rivera - ang sad nito, maganda natangay ako. Bannie Bandibas

Tuesday, February 13, 2018

AKAP ANG UNA KONG HEARTBREAK


| KunEho—Editor, Cerificate Artist
Akademyang Pampanitikan
Flash Fiction (Dagli) Writing Contest
Ang Una Kong Heartbreak
2018

Friday, February 9, 2018

SANDATA

Sandata
ni Bannie Bandibas


Hawak ang Pluma ni Doktor Rizal,
Nakakasa na ang Rebolber ni Bonifacio.
Kalasag ko'y tiwala at dasal,
Salita ang magiging sandata't pamalo.



Sandata | February 10, 2018 | Bannie Bandibas

Thursday, February 8, 2018

SWPU VALENTINE'S DAY SPECIAL POETRY WRITING CONTEST 2018


| Kuneho—Editor, Certificate Artist, Organizer
Spoken Word Poetry University
Poem Writing Competition
Valentine's Day Special
2018

Thursday, February 1, 2018

Thursday, January 25, 2018

MALAMIG NA NGITI

    Another emotional piece - tinutusok puso ko sa tuwing binabasa ko ang piece na ito. Ito rin ang nagpapatunay na gusto ko talaga ang sumulat ng mga piyesang may namamatay o sabihin na lang nating mamamatay character ako. 


Entry# 38

Malamig Na Ngiti


#PakiramdamTuwingVal­entinesDay

#NotableWritersGuild­Academy


Dumaan na ang pasko,

Bagong taon na ang nilalakaran

Ngunit malamig pa rin dito

Sa higaang minsan nating pinagsaluhan.


Nakatalukbong ng kumot,

At basang-basa na ang mga unan

Ng luha na dulot ng lungkot.

Dinaramdam pa rin ang iyong pag-iwan.


Ang huling yakap at halik

Ay muli kong naaalala.

Ang saya ay nanunumbalik

Ngunit ito’y isa na lamang ala-ala.


Ang bawat pagtibok ng puso mo,

Noong mga oras na tila susuko na--

Bawat pintig ay dama nitong bisig ko

Hanggang sa bumitaw ka na talaga.


Subalit ang pagmamahal ay dala ko pa rin.

Pag-ibig na nagpapa-init ng kalamnan

Sa kabila ng pag-ihip ng mala-yelong hangin

Na sinlamig ng iyong katawan.


Eksaktong araw ng mga puso,

Araw na pinilit mong maging masaya.

Nakangiti kang hawak ang kamay ko--

Hanggang sa iyong huling hininga. 


*Certificate of Participation*


Malamig na Ngiti | January 25, 2018 | Notable Writers Guild Academy | Pakiramdam Tuwing Valentine's Day - Poem Writing | Fifth Place | Bannie Bandibas

Sunday, January 21, 2018

Saturday, January 20, 2018

HEARTS IN WAR

#Illustrados
#MMLiteraryPrompt
#MonthlyMini

Hearts In War

Brittle dried autumn leaves,
Slowly falling unto me.
Surrounded by this heartless thieves--
Promise, I will always guard thee.

Guard your heart
From every lies.
Pull that dart
And clear your eyes.

Dry those tears,
Show up your sweet smile.
Drop your fears,
Walk with me in this long aisle.

Start with a step,
One by one.
The heartaches you kept--
Let it all be done.

End the struggle,
From your hurtful past.
Shine like marble,
Washed from dust.

Uncover your hidden love,
Give me a chance, this is true.
Be that simple white dove--
Break those chains that binds you.

You try not to love again,
You chose to stand alone.
If you’re tired from all this pain--
Let me be your strongest bone.

Just hold my hand,
I’ll hold you tight.
Together, we will stand
In this endless fight.

Hearts in war, broken--
Healed, restored, mended.
With this simple old pen,
I wrote our story--never ended.


Hearts In War | January 20, 2018 | Bannie Bandibas

Friday, January 19, 2018

PUSONG BATA

KAMPI 2

Kampi Round2


#TNPSaKAMPI

#AngIkalawangHamon

#DagliSaEnero

ENTRY NO. 4

Pusong Bata


”Ama, bakit po may malaking litrato ang mamang ito dito sa bungad ng bulwagan? Sino po iyan? Bakit siya nakangiti?” Nag-usisa ni Juan.

“Siya ang kagalang-galang nating pangulong Cruz. May puso siyang tila isang makulit at palatanong na bata, sabik palagi sa bukang-liwayway. Ang mga gawa niya’y naghahangad ng pagbabago at saya, kaya palagi rin siyang masaya.” Sumagot ang kaniyang ama.

”Nais ko po’ng maging katulad niya.” Nakangiting sumambit si Juan.

”Hindi maaari Juan.” Kinontra ng ama.

”Bakit naman po?” Naguguluhan.

---

”Presidente, kailangan na po kayo sa entablado, naghihintay na ang mga tao.”

---

”Anak, sige na--tinatawag ka na doon”


*Certificate of Participation*

PUSONG BATA | January 20, 2018 | KAMPI - Katipunan ng mga Manunulat sa Pilipinas | Tawag ng Panitikan sa KAMPI - Ikalawang Hamon | Qualified | Bannie Bandibas

Comments/Critiques: 

Marinel Morauda - Ah nagets ko na, yung lumaki siya na yung Mayor. Okay, maganda. Good Luck po.

Tuesday, January 16, 2018

KANINO NGA BA?

    Unang paligsahan na nabulilyaso dahil wala nang update mula sa pahina (tuluyan na talagang binura), matagal-tagal na rin ang pangyayaring ito at maraming wirconista ang natuto ukol sa paglahok sa mga patimapalak sa pagsulat.

    KALAMPAG NG DIWA

Kanino Nga Ba


”Di na tayo pasasakop mga kabaro,

Lalaban tayo para sa kalayaan!”

Masasayang na lang ba ‘to?

Lumaya nga ba tayo? Kung oo, kailan?


Kailan nga ba nakamit ang tunay na kalayaan?

Kailan mo nasabing malaya ka na?

Kailan ka humakbang paakyat sa hagdan?

Ang paglipad ay kailan mo nadama?


Kung babalikan natin ang nakaraan,

Sambit ng mga tao “malaya na tayo”.

Di na nila tayo masasaktan,

Oo, pero patuloy tayong niloloko.


Walang ka bang napapansin?

Hindi mo ba nauunawaan?

Nakikinig ka ba sa bulong ng hangin

O baka nabingi sa kasinungalingan?


Wala naman talagang tunay na malaya

’Pagkat lahat tayo ang nanatiling nakakulong.

Papel lang ang hawak nila

Ngunit nasayo pa rin ang barong.


Pilipino ang may-ari ng bansa

Ngunit dayuhan ang nakikinabang.

Patuloy na natutuwa

Sa tuwing sinusuhulan.


Mga bagong inobasyon para sa bayang ito,

Para ba talaga sa atin o sa kanila?

Bakit nagpapakabulag tayo,

Kahit pansin naman natin di ba?


Walang inosente dahil aminado tayong lahat,

Sinasabing malaya tayo, malaya na

Ngunit ang totoo’y di nagiging tapat,

Hanggang kailan ka ba magpapakatuta?


Di ko na sasabihin ang mga dahilan

O ang mga ginagawa natin kaya nasabi ko ito.

Hahayaan kitang isipin at maunawaan.

Ang kalayaan ay magsisimula sayo, kababayan ko.


*Certificate of Recognition*

Kanino nga ba | January 17, 2018 | Kalampag ng Diwa | Pagsulat ng Diwa | Partisipante | Bannie Bandibas

AUTHOR'S PUBLISHED WORKS (TBU POST)

Author: Bannie Magallano Bandibas NBDB Author/Writer Registration No. 5666 Pen name(s): Pleumanimox, Banuy, Numistmanunula Publication(s):...