Bannie | PleumaNimoX

Search This Blog

Thursday, March 8, 2018

NAIS NI INA

Entry # 3


#AngTintaAtPapelSaPa­nahonNgTeknolohiya

#FPilipinoAko


NAIS NI INA


Sabi ni ina, noong UNA,

Wala pang teknolohiya.

Kamay, papel at tinta

Ang tanging gamit nila.


Mga kamay ay nadudumihan,

Minsan pa’y nasusugutan.

Ang nagbibigay ilaw sa sinusulatan,

NINGAS ng nasusunog na buwan.


Nais niyang ang dati ay maibalik,

’Yung hindi pa emoji ang mga halik.

Ang pagsusulat ay hindi paglapat

Ng daliri sa keyboard ng laptop.


”Ina, Mali bang gumamit ng bago?”

Ang tanging naitanong ko.

”Anak, hindi naman BAWAL gumamit.

Ngunit ito’y nagiging dahilan ng pagkapunit.”


”Pagkapunit ng literatura at kasaysayan

Dahil sa MODERNO na ang paraan.

Lahat ay nagiging mabilisan.

Ang mga isinulat ay hindi na pinag-iisipan.”


”Alam kong MILENYAL na ang panahon.

Maraming bagong salita ang umuusbong.

Maraming makahulugan ngunit halos patapon,

Naibabahagi kahit hilaw na imbensyon.”


”Mas nanaisin ko pang bumalik sa dati,

'Yung hindi literatura, kundi kamay ang may dumi.

Kamay lamang ang nasasaktan,

At hindi damdamin, dahil ang sistema’y napabayaan.”


*Certificate of Participation*

Nais ni Ina | March 9, 2018 | Forbidden Poetry | First Anniversary Wricon | Participant | Bannie Bandibas


Comments/Critiques: Jerome Marlo Mamuad--GANDA NAMAN

Wednesday, March 7, 2018

ECLIPSE

AKAP (Akademyang Pampanitikan)

#MMDugtunganWednesday

Eclipse


(Eunice)

Walking by the street with the city lights,

step by step I am loving this night

With someone here by my side,

Yet left me and who knows maybe he chose to hide.


(Bannie)

I'm watching right unto the moon,

Letting the cold run through my bone.

All by myself, here in the park,

Strong wind blows, here in the dark.


(Eunice)

Since then I felt alone through the night

Til someone came into my sight.

A creepy noise ran through my ears,

So I hide with fear and tears.


(Bannie)

Until someone talk in a low voice.

"All done, let's do it tonight boys".

Hunters searching for that blood-suckers,

Wanting to catch the flesh rippers.


(Eunice)

It have gone darker, I started to lose my sight.

Earth's shadow covers the moonlight.

I ran and go behind the truck.

The hunters are shouting like they were attacked.


(Bannie)

A moment of silence-- moonlight came back,

With might, I got out from the truck.

So shocked, I found their bodies on the floor,

Holding insecticides and a mosquito sprayer.


*Certificate of Participation*


Eclipse | March 8, 2018 | AKAP (Akademyang Pampanitikan) | Dugtungan Wednesday | Partisipante | Bannie Bandibas | Eunice Laza Misal

HINDI LANG SAGING ANG MAY PUSO

AKAP (Akademyang Pampanitikan)
#MMSaturDARE

Hindi Lang Saging ang may Puso
Dagli/ Romance
Bannie Numistmanunula Bandibas

    ”Sino nga kasi ang sinisilip mo diyan?” Nagtataka si Pagong. “Iyon—ang magandang dilag na anak ng magsasaka.” Nananabik na sumagit si Matsing. “Tila ika’y may pagtingin na sa dalagang iyan, ngunit pansin kong mali ang iyong nararamdaman.” Nagkumento ang pagong. “Bakit? Ano bang mali sa pag-ibig?” Sumagot nang pa-irap ang matsing.“Hindi ka maaaring umibig sa kanya, sapagkat hayop ka at tao siya—kayo’y hindi itinadhana." Nagpaliwanag si Pagong. Sinagot naman siya ni Matsing ng“subalit naniniwala ako sa kapangyarihan ng pag-ibig na kayang baguhin ang lahat, ni itsura at balat."“Naku, isa lamang iyang haka-haka, paki-usap kaibigan—magising ka sana.” Pailing-iling na nagpahayag ang pagong. “Di bale na, magmamasid na lamang ako at patuloy na aasa.”

    Lumapit ang dalaga sa puno ng saging na pinagtataguan nila. Himutok nito'y "hindi ko yata maabot ang puso ng saging sa punong ito, mayroon kayang mag-aalay ng tulong sa binibining bigo?" Biglang nanabik ang matsing na baka pagkakataon na niya na magpakilala at tulungan ang dalaga.

    Lumabas ang magkaibigan sa kanilang pinagtataguan. Agad nagtanong si Matsing. ”Binibini, may maitutulong ba kami?"“Maaabot mo ba ang puso ng saging na iyon? Maari mo ba akong tulungang makuha? ‘pagkat hindi ko matalon.” Nagmamakaawa ang dalaga. “Oo naman. Teka at kukunin ko para sa 'yo, aking prinsesa.”

    Inakyat ni matsing ang puno at kinuha ang puso ng saging. Bumaba at ibinigay sa dilag.

    ”Maraming salamat ginoong Matsing, sa wakas ako’y makakapaghanda na ng pagkain." Nagtanong si Pagong. “Para kanino naman ang iyong ihahanda? Sa iyong ama ba? na buong araw na nagsaka?”Kinikilig na sumagot ang dalaga.“Tumpak, ngunit hindi lamang para sa kanya—maghahanda rin ako para sa aking iniirog na nagmula pa sa ibang bansa.”

    Nakaramdam ng lungkot ang kawawang matsing na tila nadurog ang puso at ang utak ay tinangay ng hangin.

    ”Aking kaibigan, ang mga salita mo’y pawang katotohanan—hindi kami itinadhana, hindi ipinagtagpo." Napaiyak na lamang si Matsing. Marahang bumulong si Pagong.“Ngunit kaibigan, di mo naman kailangang sungkitin ang puso ng saging upang mahanap ang pag-ibig na inaasam."“Anong ibig mong sabihin?” Napatitig ang matsing sa kaibigan.

    "Masyado siyang mataas para iyong abutin, di mo lang kasi nakikita na dito sa lupa’y may naghihintay din . Sapagkat HINDI LANG naman SAGING ANG MAY PUSO—mayroon din ako, na matagal nang naghihintay na mapansin mo.”



Hindi Lang Saging Ang May Puso | March 8, 2018 | Akademyang Pampanitikan | Bannie Bandibas

Sunday, March 4, 2018

ANG SINAYANG KONG TATLONG ROSAS

Ang Sinayang Kong Tatlong Rosas

Sa unang pagkakataon,
Pagkakataon na sinayang ko,
ika’y aking nasilayan--
namangha sa pagbabago.

Una! Nakangiti kang dumaan.
Napatulala lamang ako,
at ang tangi kong nabitawan
ay “Di ko na yata kilala ‘to”.

Di ko na siya kilala, nasaan?
Nasaan ang dating titibo-tibo?
Ngayo’y naging magandanghalaman,
rosas na umakit sa mga mata ko.

Hindi kita matitigan
at parang tangang payuko-yuko.
Maganda ka! Ngunit naisin ko man
ay hindi ko kayang sabihin sa ‘yo.

Pangalawa! Ang pagpasok sa bulwagan,
na sadyang hinihintay ng mga tao.
’Yung lalakad tayo ng dahan-dahan
habang nakahawak ka sa aking braso.

Nakapares ko ang iyong kaibigan
at binalak na ikaw ang sunod na makapareho.
Ngunit nang ikaw na ang humakbang,
tuhod ko'y naging yelo.

Ako ay naunahan, dahil kinabahan
at dinaga ang puso.
Ika’y pinagmasdan na lamang,
habang naglalakad ka papuntang entablado.

Pangatlo! Ang pinaka-pinagsisihan,
Isa na sanang ginto.
Pagkakataon na ika’y lapitan,
ngunit lumihis ang daan ko.

Isang rosas, ika’y aking hinanapan
upang ika’y maisayaw dito.
Naghanap at nabigyan,
kaso nagdalawang-isip ako.

Ika'y sandaling sinulyapan
at tumunganga ng ilang segundo.
Nagkaroon ng kalituhan
kaya't iba ang piniling bigyan nito.

Ngunit kahit nasayang man
ang mga rosas na dapat ay sa iyo,
Nagkaroon naman ako ng pagkakataon na ika’y masuotan
ng singsing, humiling na sana'y totoong kasalan na 'to.

Sinamahan kang maglakad sa gitna ng bulwagan
pagka't ito'y hiling mo.
Walang damdaming napilitan
dahil ito rin naman ang nais ko

Ako'y nagdarasal na sana’y hindi pa ito ang katapusan,
ika'y makilala pa ng husto.
Kahit tuluyan ka nang lilisan
sa hardin na kung saan tayo pinagtagpo.


LITRATO AT EDIT NG INYONG LINGKOD

Ang Sinayang Kong Tatlong Rosas | March 4, 2018 | Bannie Bandibas

Saturday, March 3, 2018

DI(YAMAN)TE

Di(yaman)te

"Pressure makes us diamonds"
Isang matalinghagang kataga.
Nangangahulugan na ang buhay ay hamon
Na kailangan ng sikap at tiyaga.

Isang salita ang agad kong naisip
Noong una kong marinig ito.
Hindi kasikatan, pagmamalaki o panaginip 
Kundi isang ULING, uling tayo.

Uling na pinagtuunan ng pansin,
Halata sa nangingitim na paligid ng mata.
Kasi mula umaga hanggang pagdilim,
Nag-aaral at subsub sa pagbabasa.

Mga librong singkapal ng diksyunaryo
At nakakasira ng ulong mga aklat
Ay araw-araw na bitbit ng mga braso,
Ngunit di alintana ang bigat.

Dagdag pa ang pagka-ipit
Sa mga gawaing bahay at proyekto.
Feasibility study, report at exhibit,
Alin ang uunahin? Nakalilito.

Mayroon pang mga propesor,
Sa pagpapa-quiz ay hindi nagpapapigil.
Kapag mababa ang iyong score
Ay di maiwasang sila'y mang-gigil.

Pagka't hangad nila ang ating tagumpay
Sa bawat effort at pagpapasensosyo,
Kahit gaano man katigas ang mga ulo.

Kaya kung dama mong pinahihirapan ka,
O pini-pressure ka na lamang palagi.
Isipin mo na lang na maswerte ka,
Kasi intensyon nilang gawin kang diyamante.

Magkakaroon ka ng halaga,
Magiging globally competitive.
Kaya maging matibay ka
And let struggle be part of how you live.

'Pagkat ang tunay na yaman ay pinaghihirapan.
Ang tunay na yaman ay ang ating natututunan,
Mula sa paaralan o sa buhay man.
Mga leksyon na kailangan nating pahalagahan.

#JPIANight2018 [03-03-18]

LITRATONG KUHA NG INYONG LINGKOD


Di(yaman)te | March 4, 2018 | Bannie Bandibas

Friday, March 2, 2018

Wednesday, February 28, 2018

PARAISO AKLATAN

    Unang kompetisyon sa pagsulat ng dagli na nilahukan ko na nagka-ranggo at nakatanggap ng mga papuri. Napakasaya ko nang mga panahon na ito dahil kahit isang beses lang ay nagustuhan ng iba ang dagli ko na di ko pa gaanong gamay noon.

Entry No. 9

Paraiso Aklatan


Theme and Prompt: Fetish - Bibliophilia


"Ma! Saan mo dadalhin ang mga libro ko?"

"Mabuhay ka sa realidad Esang. Huwag kang tumulad sa kapatid mo, natatakot akong mawala ka rin sa amin."

--

Tatlong taon na rin ang nakalilipas mula nang iwan kami ng natatangi kong "book buddy", si ate Jonah. Hawak-hawak ko ang librong yakap niya nang siya'y binawian ng buhay. Natatakot akong basahin kaso ito na lamang ang natitirang libro dito sa kwarto ko, para kasing mamamatay ako kapag walang nababasang libro.

Binuklat ko ang libro at isang nakakasilaw na ilaw ang nagpapikit sa akin.

--

Pagdilat ko'y kamangha-manghang lugar ang aking napuntahan. Tila isang paraiso ng mga libro. Mga librong lumilipad, may buntot ng isda at iba'y naghahabulan. Ang aking nilalakara'y pinagpatong-patong na "bookmarks" at sa harap ko'y isang kastilyo na gawa sa malalaking "bookshelf" na may napakaraming libro. Isang tunay na paraiso para sa katulad ko, parang gusto ko nang manatili dito.

Hanggang may isang diwata ang sa aki'y lumapit. Bati niya'y "Maligayang pagdating, hayaan mong gabayan kita papasok. Alam kong masisiyahan ka sa makikita mo." Dahil sa labis na pananabik ay agad akong sumama.

Nagulat ako sa aking nasaksihan. Isang mataas na tambak ng libro ang bumungad sa pagpasok ko. "Kumuha ka, maaari mong basahin ang lahat ng iyong nakikita."

Ako'y natuwa at agad tumakbo patungo sa mga libro. "Esang!" Ako'y napatigil at hinanap ag pinanggalingan ng boses. "Masaya akong nandirito ka na rin aking kapatid, ito ang basahin mo."

"Ate Jonah?"

Kinuha ko ang libro. . .

[Imahinasyon Ang Limitasyon: Paraisong isip mo ang may gawa, kontrolado ang bawat gunita. Kalungkutan o saya, ikaw ang magpapasya.]

Binuklat ko ang libro at nagpatuloy sa pagbabasa habang may mga alitaptap na nagbibigay ilaw sa mga pahina.

--

"Time of death, 11:11 pm."


#PSCfetish

*Certificate of Participation*

*Certificate of Achievement - 2nd Place - Fetish*
Note: Certificate collaborately created by yours truly

*Certificate of Recognition - Reader's Choice Award - Fetish*

PARAISO AKLATAN | February 28, 2018 | Poemstar Community |  Writing Competition of Fetish and Fears | 2nd Place - Fetish, Reader's Choice Awardee | Bannie Bandibas

Comments/Critiques:

Pamilyar sa akin ang "Imahinasyon ang limitasyon, paraisong isip mo ang may gawa, kontrolado ang bawat gunita, kalungkutan o saya, ikaw ang magpapasya" na ginamit na linya.

Galing ba 'to sa isang movie? - Paradox

---Sa commercial po ng Krimstix ko 'yan nakuha (tagline). "Imagination mo ang Limit". Hehehe

Xia Lavender--Simple lang din ito pero mapapasabi ka ng "Worth it basahin" Nalarong mabuti ang nakuhang tema, naramdaman ko na ako si Esang habang binabasa ko ito kasi naka-relate ako do'n sa mahilig magbasa. Siguro mas gawing smooth lang ang pagkakalahad, pati na ang transition ng bawat pangyayari. Iyon lang, goodluck! Sulat lang nang sulat.

Lanylyn Bellen--Bigla akong nagsalita rito mag-isa; " Mahilig din siya sa pagbabasa." Maganda ang takbo ng kwento, malikhain sa paggamit ng mga salita, pinaghandaan at malawak ang narating ng imahinasyon. Minsan kasi iniisip ko rin na baka sa sobrang attachment ko sa books e makarating ako sa ibang dimensiyon. Mahusay ka! Good luck! Sulat at basa lang palagi!

Kelvin Gamboa--Gan'to ang inaasahan kong mga entry, salamat! Maganda, wala ako masabi kundi basa lang nang basa! Kudos sa creativity! Sulat lang at good luck sa patimpalak!

Kimmy Winter--Hindi ko na-gets ang mga linya bago ang panaginip, hindi siya na-justify ng ending. Parang hindi siya connected. Maganda ang pagkakalahad ng Fetish at Phantasm. Balanse sila, ang paraan lang ng pagkukuwento ang medyo nagpalabo sa kabuuan. Wala naman akong nakitang mali sa teknikal na aspeto. Siguro medyo namadali lang ang pagkakagawa ng kuwento. Congrats!

*Reader's Choice*



Monday, February 26, 2018

DAHI-DAHILAN

 ENTRY#9

Dahi-dahilan


"Talunan kasi ako

Kaya di ako nananalo.

Mahina, bobo,

Walang alam sa mundo."


Hanggang kailan ka mabubuhay sa gan'yan?

Ibinababa ang ikaw mula sa matayog na hagdan.

Natagpuan ang sarili, sa sahig, duguan.

"Di ko na kaya." Susuko ka na lang.


"I can't do it, I can't."

Excuses, Excuses.

This is not a rant

But a realization of bruises.


Dulot ng tao, isang kasinungalingan

Na kapag nadapa, hihiga kang tuluyan.

Pakiusap, gumising ka kaibigan.

Huwag hayaang pigilin ka ng kabiguan.


"Tao lang kasi ako, hindi ako perpekto."

Sinong nagsabi na kailangan mong maabot ang tuktok ng mundo?

Wala naman talagang perpektong tao

Kasi hindi ka Diyos, o kahit kanyang anino.


Magkakamali, matatalo, at panghihinaan

Ngunit huwag mo itong gawing dahilan.

Mawala man ang iyong kalakasan,

Basta't ang mahalaga'y di mo ito sinukuan.


Kaya ako naiinis sa mga taong puro dahilan

Kasi dinadaan sa salita bago gumawa ng paraan.

Kung ayaw mong makoreksyunan,

Mas mabuting tumahimik ka na lang.


Ang sakit sa tainga, lalo na kung puro reklamo.

Ba't di yumuko at magtago d'yan sa dulo.

Hindi ka rin naman natututo,

Hindi mo pinapakinggan ang mga payo sa 'yo.


Hindi ka perpekto ngunit pilit mong inaabot.

Kaya konting mali, ika'y agad nayayamot.

You can try to be perfect pero subukan mo lang,

Huwag piliting umakyat sa hindi mo hagdan.


Kung nakararamdam ka ng pagkababa

At pinili mong manatiling mababa,

Please, wag kang bumunganga.

It's your choice na maging dukha.


Salat sa pag-asa at pagkakataon

Kaya sinisilid mo ang sarili sa kahon.

Only you can lift yourself up--

Kaya kung ayaw mo, then SHUT-UP!


*Certificate of Participation*

Dahi-dahilan | February 26, 2018 | Midnight Collective | Spoken Word Poetry | Partisipante | Bannie Bandibas



Sunday, February 18, 2018

Wednesday, February 14, 2018

KONSEPTO

Entry #1

Konsepto


Love is patient.

Love is kind.

Love should be meant.

Love is blind.


Maraming konsepto,

Na gawa ng Diyos at tao,

Kung papaano

Magmahal nang totoo...


Ngunit ito ang tanong ko--

May pag-ibig nga ba sa mundo?

May nagmamahal nga ba

O may minamahal pa ba?


Aking naririnig,

Ngunit di maunawaan

Ang sigaw sa aking paligid,

”Tayo’y magmahalan..."


Ngunit pag-ibig nga ba

Kung naglalamangan ang isa’t isa?

’Yong ‘pag may ibinigay ka,

Maghihintay ng kapalit, at umaasa.


Pag-ibig din ba ang pag-aalala,

O ang kahit simpleng pag-aaruga

Kung may sekretong intensyon,

Mabuti, masama, o upang makakuha ng atensyon.


Umiibig ngunit nagrereklamo

Kapag hindi napansin.

Alam mo nang talo

Kaya ka dumadaing.


Pag-ibig pa kayang matatawag

Kung sa puso mo ito’y bumabasag?

Iibig ka pa ba sa isang dilag

Kung sakit lamang ang kumakalampag?


Pag-ibig na walang kondisyon,

Pag-ibig na walang rason--

Ganyan ang pagmamahal para sa akin.

Ang tunay na pag-ibig ay nadadaan sa panalangin.


Ikaw, what is true love for you?

How far can you go

Just to show

What is the kind of love that you know?


*Certificate of Participation*

Konsepto | February 15, 2018 | Spoken Word Poetry | Valentine's Day Special | Partisipante | Bannie Bandibas

Comments/Critiques:

John Fritz Flojo - Love Is Sacrificing

AUTHOR'S PUBLISHED WORKS (TBU POST)

Author: Bannie Magallano Bandibas NBDB Author/Writer Registration No. 5666 Pen name(s): Pleumanimox, Banuy, Numistmanunula Publication(s):...