Bannie | PleumaNimoX

Search This Blog

Wednesday, April 6, 2022

DYIP

Short Love Stories ep.1 - Dyip
ni Bannie Bandibas

It was a cold night. I just have finished a bottle of beer, It's time to go home. I'm still conscious, a liter of beer can't throw me up.

Nakarating ako sa terminal ng jeep at naupo sa harap, siyempre ayaw kong may makaamoy sa akin. I'm not used to drink a lot pero kapag nakainom ako, I know how to be responsible with my actions in any situation. As I were waiting, a woman approached me. "Pwede bang dito na ako sa tabi mo?" I can't clearly hear her next lines, I think it's the reason why she wanted to sit at the front seat, pero umusog ako para makaupo siya. I thought, baka lasing din to.

The engine started and the driver stepped on the gas. Hindi ako lasing pero inaantok ako, dagdag pa ang sakit ng ulo as we are traveling, I could hear hard cries. It's from the lady beside me. "Pagod na ako," paulit-ulit niyang sambit. I forced my self na hindi makatulog kasi baka masagi ko siya kapag nawala na ako sa ulirat. Hinayaan ko na lang siya habang umiiyak.

Few moments after, she suddenly moved backward and grabbed my arms. Gustuhin ko man ay nahihiya akong alisin ang kamay niya sa pagkakakapit. She dropped her head over my shoulders, pagod nga talaga siguro. For less than an hour, she was just right there, sleeping comfortably. I merely see her face kahit nasa harap ko na 'yong front mirror, nakaharang kasi 'yong buhok niya.

It was ten in the evening nang makarating kami sa barrio namin. Binitiwan niya ang braso ko at tuluyang nagising. Malapit na akong makarating sa entrance ng subdivision nang bigla niya akong hinalikan sa labi, a smack. I didn't felt romantic, I felt so embarrassed and insecure. Amoy alak bunganga ko and I have always the thought na it's a big turn-off sa mga babae. Natulala ako at hindi namalayang lumagpas na ako sa amin. Nakakahiya namang pabalikin si manong kaya pumara na lang ako. Bumaba siya para makadaan ako. Nagbayad ako ng singkwenta kay manong bago lumabaa ng jeep. I tried not to look at her kasi nararamdaman kong tinititigan niya ako. As I were about few metera away, naalala kong hindi ko nakukuha sukli ko. I turned around pero lumarga na ang jeep kaya hindi ko na lang hinabol but the woman took a glance to me and mimic the words "Thank you." I am shocked inside kaya di ko alam kung anong gagawin but I just gave her a smile and continue to walk home.

I immediately dropped myself at my bed, amoy alak at pagod. Hindi ko na inisip ang gagawin basta gusto na lang matulog but the girl bothers me. It was like a mystery that left me questions, I ended my night thinking about what happened.

In the morning, nahuli na ako ng gising. Eight o'clock ang pasok ko and it was passing seven thirty. Hindi na ako kumain, I took a bath at agad bumiyahe. Napansin kong pamilyar ang jeep na sinasakyan ko, ito 'yong parehong jeep kagabi. I'm am, again, at the front seat. I can't manage myself na tingnan si manong, gusto kong tanungin siya tungkol sa hindi ko nakuhang sukli pero nauna siyang magsalita. "Ikaw 'yong lasing kagabi, di ba?" tanong ni kuyang drayber. "Ahm, Opo," nahihiya kong tugon. "Oo nga pala manong, nakalimutan ko pala iyong sukli ko," dagdag ko. "Teka, resibo nga lang 'yong binigay mo sa akin, sobrang lasing mo siguro kaya hindi mo namalayan." Tinapik niya sa balikat ko habang tumatawa. "Hala, pasens'ya na po, babayaran ko na lang po." Dinukot ko ang wallet ko sa bag pero tinulak niya ang kamay ko. "Wag na iho, tiyaka libre na lang 'yon. Naririnig kasi kitang humihikbi kagabi at paulit-ulit na sinasabing pagod ka na kaya hinayaan na lang kita." Nagulat ako sa aking narinig, hindi kaya iyong babae ang tinutikoy ni manong? "Hindi po ako 'yon, iyong katabi ko po yatang babae ang narinig n'yo." Napatingin si manong sa akin habang unti-unting bumabagal ang andar namin hanggang sa huminti. Tinitigan niya lang ako ng ilang minuto at bigla siyang nagsalita, "Oo nga, parang boses babae iyong narinig ko. Pero iho, ikaw lang ang pasahero ko kagabi."


Dyip | April 7, 2022 | Short Love Stories | Bannie Bandibas

Saturday, March 19, 2022

KARNABAL

Karnabal
ni Bannie Bandibas

Samahan mo akong mamasyal
Sa kahit saang karnabal.
Sa dami ng nagkalat ngayon--
Sa dami ng nagkakalat ngayon,
Tiyak mayroon kang makakasalubong
Na maipakikilala
Sa iyong pamilya
Isang di inaasahang pasalubong.

Yong tipong magkakabanga,
Matutulala
Magngingitian--
Mapupuno ng paru-paro ang tiyan.
Hanggang sa G ka na naman
Handa na ulit makipagsapalaran
Palarin sanang huwag nang masaktan
Sana’y mapagbigyan
Na nang kapalaran.

Mapalad ang mapagmahal
Yong tipong hindi napapagal
Patuloy, paulit-ulit na umiibig
Walang rides na makalulupig.
Hindi hihingi ng tubig
Kahit nasusuka na, ang bibig
Ay namumutla.

Titiisin ang pagkahilo sa pagtaas-baba
Ng roller-coaster na nagmamaldita
Totoyoin na lang bigla-bigla
Hampas doon, hampas dito--
Hinihila pakanan-pakaliwa.
Bobolahin,
Paiikutin
Ng matampuhing
Ferris wheel ni Aling Josephine.
Paakyat ay para kang liliparin
Tapos biglang ibabagsak
Kakapusin ng hangin
Ngunit patuloy na nakahawak. 

Kapit na kapit sa grills ng octopus,
Iniisip mo kung kailan matatapos
Pero matibay ang sikmura
Sisigaw ng “Tama na!”
Hanggang sa mamaos-
Subalit magtitiwala sa pagkagapos,
Mananatiling ligtas
Kung susunod ka lang sa kanyang batas. 

Pagbabawalan kang maglibang
Kung hindi siya ang kasama.
Mas mabuti nang may kapares sa pagduyan
At least sa dragonboat ay hindi ka na mag-isa.
Kahit nalulula na,
May kahawak-kamay ka--
Huwag ka lang humawak sa iba
O magpahawak sa iba,
Siguradong paghinto ng paglarga
May jowa ka pa. 
Di na muling huhugot sa umiikot na swing
Ng "Buti pa yong puso may saging" Huh
At "Puputulin ko na ang tao sa tayo kahit
Ang maiwan ay puro na lang bakit.
Tayo? Tao? Y? Bakit?
Hahayaang mapigtas ang tali ng brip
at pabayaang lumaylay ang mga toot na walang ahit."
Ay, ulit, ulit, ulit...
Hahayaang mapigtas ang nagdurugtong na tali,
Total di ka na rin naman nakakapit.
Wala na, tapos na,
Tapos na ako sa gan'yang eksena. 

Ang pagmamahal
Ay tulad ng karnabal.
Nakatatakot,
Nakakikilabot
Ngunit paglabas sa entrada
Alam mong tunay kang naging masaya
At mananatili ang giliw at pagkatuwa--
Tiyaka may nag-aabang na meryenda.



FACEBOOK VIDEO

YOUTUBE VIDEO

Karnabal | March 20, 2022 | Tea. Coffee. Break. | Bannie Bandibas

MOTORSIKLO

Motorsiklo
ni Bannie Bandibas

Unang sagasa
Unang pagsalpak
Gaano ka man ka-bihasa
Maaari paring pumalpak.

Nang minsan akong naaksidente
Hindi ko hinanap ang presidente
Agad kong hinanap ang aking sarili
Huminga (haah), nagpahinga sandali.
Pinakiramdaman ang mga daliri
Buo pa ba? Mayroon bang nabali?

May kumikirot, gumuguhit sa kalamnan
May parte ng aking katawan
Na hindi ko maramdaman
Ngunit alam kong nandiyan.
Nakikita ko naman,
Di ko lang talaga maramdaman. 

Utak ko'y humihingi ng tulong
Ngunit bibig ko'y di man lang makabulong.
Mas maingay pa ang pag-alulong
Ng sirena ng ambulansya na may walong
Segundo na lamang upang maisalba ang alon
Ng pagpintig ng pulso, tumatalon, tatalon, tumatalon, tapos (guguhit)

Hindi ako magtutunog politikal,
Napagtanto ko lang kung gaano ka-kritikal.
Kung nasa posisyon ako ng nahalal
Maiisipan ko pa bang magdasal?
Paanong hindi ako magigimbal,
Na sa lahat ng ginagawa'y
Nakagapos
Isinandal
Pinaagos
Sakal-sakal
Pinipilit makaraos
Mula sa anim na talampakang tubig,
Maduduwal. 

Isusuka ang lahat ng aking pinangako
Lilitaw, hihimbing, mumulat, maglalaho.
Una akong nabansagang matalino,
Mahusay na pinuno, kayang maging puno
Para sa bansang makabayan
Subalit hindi totoong makatao—
Di nila akong nakikita bilang tao,
Basagulero,
Taranta—nalilito
Ngayo'y nandito, tuliro
Iniisip kung tunay bang nagampanan ko
Ang pagiging tagamaneho,
Pasahero,
Mekaniko,
Superhero
Ng pinakaiingatan kong Motorsiklo.

Pilipinas. Pilipino.



FACEBOOK VIDEO

YOUTUBE VIDEO

Motorsiklo | March 20, 2022 | Tea. Coffee. Break. | Bannie Bandibas

MALMAG

MALMAG

Malinaw kitang ngayon,
puhon magiging noon—
pagbigkas nang padayon,
tubo'y 'di malalamon.


POSTER NG KWF

Malmag | March 20, 2022 | KWF | Tanaga | Partisipante | Bannie Bandibas

Sunday, February 27, 2022

TELESKOPYO SA KALAWAKAN

Teleskopyo sa Kalawakan

Minsa'y nagkuwento si inay ng aking kamusmusan,
kung paano siya nahumaling sa aking pagkinang.
Bawat pagngiti at pagtawa na walang pagdaramdam,
talang bagong silang—sabik ang lahat na masilayan.

Sa aking pagtanda't sa mundo'y nagkaroon ng muwang,
unti-unti kong naiintindihan ang kasikatan—
labis na pagtingala ng iba sa 'yong kakayahan,
pagkulimlim ng liwanag ay tiyak kang huhusgahan.

Nakapapagod maging bituing sinusubaybayan,
sa pagtawa—may nakakubli nang hikbi't kalungkutan.
Sawa na ang payasong walang tigil na sinusundan
ng teleskopyo sa mapagpanggap nitong kalawakan.

SERTIPIKO NG PAGKILALA

PASKIL NG TMS

TALA NG ISKOR

SERTIPIKO NG PAGKILALA ( TOP 40 )

SERTIPIKO NG PAGKILALA ( TOP 70 )

SERTIPIKO NG PAGKILALA ( TOP 109 )

SERTIPIKO NG PAGKILALA - INSPIRING PIECE

SERTIPIKO NG PAGLAHOK


Teleskopyo Sa Kalawakan | February 27, 2022 | Talang Malaya Sparkles | Pagsulat ng Tula | Most Inspirationational Piece | Bannie Bandibas

SINISINTANG PANULAT

Sinisintang Panulat

Aking Sinta, ako sayo'y may ipagtatapat
na alam kong alam na rin ng sansinukob.
Noong ako'y nadapa at napuno ng sugat,
ikaw lamang ang siyang dito ay tumaklob.

Napawi ang aking pighati't lumbay na dulot
ng minsang pagkulimlim ng aking kalawakan.
Talang kumikinang at kamay na humablot
sa durog kong puso mula sa kadiliman.

Hindi ako magiging tagapagpinta ng titik
kung di dahil sa pagdanak ng iyong dugo—
nang ika'y umiyak at sa papel ay humalik,
nagkaroon ng kahulugan ang mabuhay sa mundo.

SERTIPIKO NG PAGKILALA

LITRATO NG LAHOK NA BAYBAYIN

PASKIL NG TMS

TALA NG ISKOR

SERTIPIKO NG PAGKILALA ( TOP 15 )

SERTIPIKO NG PAGKILALA ( TOP 20 )

SERTIPIKO NG PAGKILALA ( TOP 30 )

SERTIPIKO NG PAGKILALA ( TOP 37 )

SERTIPIKO NG PAGKILALA - BEST IN CREATIVITY

SERTIPIKO NG PAGLAHOK

Sinisintang Panulat | February 27, 2022 | Talang Malaya Sparkles | Pagsulat ng Baybayin | Best In Creativity | Bannie Bandibas

Saturday, February 26, 2022

KUWARTONG MAULAP

Kuwartong Maulap

“Kim, nasaan ka?" Tinawag ako ng nanay ngunit hindi ako umimik. Nanatili akong nakadungaw sa bintana ng aking silid na bitbit ang isang kandilang unti-unti nang natutunaw.

Araw-araw ay dumadating ang tatay na kumakatok lamang sa pinto kasabay ng pamumuo ng mga ulap sa pagsambit nito ng pangalang “Kimberly."

Gabi-gabi ay pilit pinapatay ng ulan ang sindi ng kandila ngunit niyayakap ko ito. Umaalingawngaw pa ang sigaw sa kalye, “ate Kim, baliw!"

Hindi ako baliw. Hindi rin ako si Kim. Hindi ko nga rin kilala ang aking kaluluwa na unti-unting nilalamon ng apoy ng aking kalungkutan, pag-iisa. Walang pamilya.
 
SERTIPIKO NG PAGLAHOK

Kuwartong Maulap | February 27, 2022 | Tulang Malaya Sparkles | TMSS7: Pagsulat Ng Dagli | Partisipante | Bannie Bandibas

Friday, February 4, 2022

02-05-2020

02-05-2020
ni Bannie Bandibas

Maligayang kaarawan sa iyo.
Nawa'y maging paalala ang araw na ito
na minsan kang naging biyaya para sa ibang tao
nang una kang umiyak at isinilang sa mundo.

Kung tatangis ka mang muli'y laging tatandaan
na sa minsan mong pagngawa'y may nakaalam
na nabuhay ka at mahalaga ang iyong kapanganakan
para sa kanila. Punasan ang mga matang malamlam.

Ang pag-ibig ng mga magulang ay talagang dakila,
ang tagumpay at mga ngiti mo'y kanilang tuwa
at kung sa panahon naman ng iyong pagluha,
yakap nila'y palaging nandiyan. Hindi pumapalya.

Kaya tahan na.


02-05-2020 | February 5, 2020 | Bannie Bandibas

Friday, January 21, 2022

NEWS: LIKHAAN

January 22, 2022

NEWS FOR THE YOUTH: Likhaan Center for Women’s Health, Naglunsad ng Kampanya Laban Sa Maagang Pagbubuntis Sa Pamamagitan ng Isang Online Youth Summit

https://fb.watch/jQI4Z2zc4r/

Likhaan Center for Women's Health Inc. 

Caster: PapaLem Ferolino
Writer: Bannie Bandibas

#YouthInAction 
#NewsForTheYouth
#VoiceOfTheYouth 
#VOTY 
#VOTYRadio
Voice of the Youth Network 
VOTY News Network - VNN 
DWIZ 882

Friday, January 14, 2022

NEWS: CHILD MARRIAGE

January 15, 2022

NATIONAL NEWS: Child Marriage, Bawal na sa Pilipinas

https://fb.watch/jQH_wD0STs/

Caster: PapaLem Ferolino
Writer: Bannie Bandibas

#YouthInAction 
#NewsForTheYouth
#VoiceOfTheYouth 
#VOTY 
#VOTYRadio
Voice of the Youth Network 
VOTY News Network - VNN 
DWIZ 882

AUTHOR'S PUBLISHED WORKS (TBU POST)

Author: Bannie Magallano Bandibas NBDB Author/Writer Registration No. 5666 Pen name(s): Pleumanimox, Banuy, Numistmanunula Publication(s):...